ស្ពានអាកាសថ្មី ស្ថិតលើកំណាត់ផ្លូវជាតិលេខ៥ នៅក្នុងភូមិឃ្លាំងសាំង សង្កាត់​ឫស្សីកែវ ខណ្ឌឫស្សីកែវ រាជធានីភ្នំពេញ ត្រូវបានរដ្ឋបាលរាជធានីភ្នំពេញបើកឱ្យដំណើការហើយ បន្ទាប់ពីមានគោលការណ៍ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋ​មន្ត្រី នៃព្រះរាជាណាចក្រកម្ពុជា អនុញ្ញាតឱ្យប្រើប្រាស់ជាបណ្តោះអាសន្ន នាថ្ងៃទី០១ ខែមីនា ឆ្នាំ ២០២៣។ មន្ដ្រីជំនាញ រដ្ឋបាលរាជធានីភ្នំពេញបានឱ្យដឹងថា បន្ទាប់គោរពតាមគោលការណ៍​របស់ម្ដេចតេជោនាយករដ្ឋមន្រ្ដី ដែលបានអនុញ្ញាតឱ្យបើកធ្វើចរាចរណ៍រួចមក នៅព្រឹក​ថ្ងៃទី ០១ ខែមីនា ឆ្នាំ ២០២៣ នេះ ចរាចរណ៍នៅលើកំណាត់ផ្លូវជាតិលេខ៥ មានភាពល្អ​ប្រសើរ​ខ្លាំង ដោយប្រជាពលរដ្ឋធ្វើដំណើរទៅមកដោយរលូនមិនមានការកក​ស្ទះចរាចរណ៍​នោះទៀតឡើយ ។ សូមរម្លឹកផងដែរថា ស្ពានអាកាសឬស្សីកែវនេះ បានបើកការដ្ឋានស្ថាបនា កាលពី​ថ្ងៃ​ទី៣១ ខែមករា ឆ្នាំ២០២២ ដែលមានបណ្ដោយ៤៨៣ម៉ែត្រ ទទឹង១៥,៨ម៉ែត្រ កម្ពស់ ៥ម៉ែត្រ ដោយភ្ជាប់នៅលើបណ្ដោយផ្លូវជាតិលេខ៥ នៅចន្លោះស្ពានបេតុងឆ្លងកាត់​ទន្លេ​សាប​ថ្មី បាននិងកំពុងសាងសង់បានជិតរួចរាល់។ គម្រោងនៃការសាងសង់ស្ពានអាកាសថ្មី នេះ ប្រើប្រាស់រយៈពេលសាងសង់ចំនួន១៥ខែ ដើម្បីឱ្យរួចរាល់នៅមុនពេលដែល​កម្ពុជា​ធ្វើ​ជាម្ចាស់ផ្ទះនៃព្រឹត្តិការណ៍ប្រកួតកីឡា SEA GAME ២០២៣ នាពេលខាងមុខ៕