[Kampucheathmey] - ផ្លូវក្រវាត់ក្រុងទី ៣ នឹងបញ្ចប់នៅមុនយុទ្ធនាការបោះឆ្នោត
2023-02-23
Go to the website published Kampucheathmey
ដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា គម្រោងស្ថាបនាផ្លូវក្រវាត់ក្រុងទី ៣ មានភាពយឺតយ៉ាវ ប៉ុន្តែនឹងបញ្ចប់នៅមុនយុទ្ធនាការបោះឆ្នោតនាពេលខាងមុខនេះ។
ថ្លែងនៅក្នុងពិធីបិទសន្និបាតបូកសរុបលទ្ធផលការងាររបស់ក្រសួងកាលពីថ្ងៃ ១៥ ខែកុម្ភៈ ឆ្នាំ២០២៣ លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា ការសាងសង់ផ្លូវក្រវាត់ក្រុងទី ៣ មានភាពយឺតយ៉ាវជាងផែនការជាងមួយឆ្នាំ តែលោកសង្ឃឹមថានឹងរួចរាល់នៅមុនយុទ្ធនាការបោះឆ្នោតអំឡុងខែឧសភា ឬមិថុនានេះ។
ផ្លូវក្រវាត់ក្រុងទី ៣ ជាផ្លូវយុទ្ធសាស្រ្តសម្រាប់រាជធានីភ្នំពេញ ដែលតភ្ជាប់ពីផ្លូវជាតិលេខ ៦ លេខ ៥ លេខ ៤ លេខ ៣ លេខ ២ រហូតដល់ផ្លូវជាតិលេខ ១ កាត់ភូមិសាស្រ្តរាជធានីភ្នំពេញ និងខេត្តកណ្តាល។
លោករដ្ឋមន្រ្តី ស៊ុន ចាន់ថុល ធ្លាប់អះអាងថា ផ្លូវក្រវាត់ក្រុងទី ៣ សាងសង់មិនទាន់បានពេញលេញ។ ដើម្បីក្លាយជាផ្លូវក្រវាត់ក្រុងពេញលេញ ត្រូវសាងសង់ស្ពានឆ្លងទន្លេមេគង្គពីរទៀតនៅក្ដីតាកុយ និងនៅកោះដាច់ ខណៈថវិកាប្រើសម្រាប់គម្រោងសាងសង់សព្វថ្ងៃបានត្រឹមតែពាក់កណ្តាលក្រវាត់សិនប៉ុណ្ណោះ៕
