កំពង់ចាម៖ គម្រោងការស្តារ និងឡើងលើកកម្ពស់កម្រិតគុណភាពផ្លូវជាតិលេខ៧ មានប្រវែងសរុប៤៥,៤៨៩គីឡូម៉ែត្រ ចាប់ពីរង្វង់មូលស្គន់ ដល់ រង្វង់មូលស្ពានគីហ្សូណា ក្រុងកំពង់ចាម ក្រោមឥណទានសម្បទានពីរដ្ឋាភិបាលនៃសាធារណៈរដ្ឋប្រជាមានិតចិន នឹងចាប់ផ្តើម នៅដើមឆ្នាំក្រោយនេះ ។ នៅព្រឹកថ្ងៃទី ២៨ ខែធ្នូ ឆ្នាំ ២០២២ នេះ ឯកឧត្តម យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី បានចុះពិនិត្យទីតាំងគ្រោងរៀបចំពិធីបេីកការដ្ឋានស្តារ និងលើកកម្រិតគុណភាពនេះ នៅភូមិតាំងគោក ឃុំល្វា ស្រុកព្រៃឈរ ខេត្តកំពង់ចាម ដោយមានការ អញ្ជើញ ចូលរួមពីឯកឧត្តម អ៊ុន ចាន់ដាអភិបាលខេត្តកំពង់ចាម , តំណាង ក្រសួង សាធារណការ និង ដឹក ជញ្ជូន និង កងកម្លាំងប្រដាប់អាវុធ ថ្នាក់ដឹកនាំ មន្ទីរអង្គភាព ពាក់ព័ន្ធ ជុំវិញខេត្តព្រមទាំងអាជ្ញាធរមូលដ្ឋានជាច្រើនរូបផងដែរ ។