[Kampucheathmey] - គម្រោងស្ពានបេតុង២ខ្សែក្នុងខេត្តព្រៃវែង ភ្ជាប់មកស្រុកកោះសូទិន ខេត្តកំពង់ចាម នឹងស្ថាបនាឆាប់ៗ
2022-12-20
Go to the website published Kampucheathmey
កំពង់ចាម ៖ អាជ្ញាធររួមទាំងប្រជាពលរដ្ឋ ក្នុងស្រុកកោះសូទិន បង្ហាញការសប្បាយរីករាយពេលឃើញលិខិតក្រសួងមហាផ្ទៃផ្ញើជូនក្រសួងអភិវឌ្ឍន៍ជនបទ ក្នុងករណីស្នើសុំស្ពានចំនួន២កន្លែងក្នុងស្រុកកោះសូទិន ខេត្តកំពង់ចាម តភ្ជាប់ទៅនឹងស្រុកស៊ីធរកណ្តាល ខេត្តព្រៃវែង ។តបតាមសំណូមពរ និងតម្រូវការចាំបាច់របស់បងប្អូនប្រជាពលរដ្ឋរបស់នៅឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង និងឃុំល្វេ ឃុំព្រែកតានង់ ស្រុកកោះសូទិន ខេត្តកំពង់ចាម ត្រូវការស្ពានបេតុងចំនួន២កន្លែងនោះ ដើម្បីងាយស្រួលធ្វើដំណើរឆ្លងកាត់ និងលើកកម្ពស់ជីវភាពប្រជាពលរដ្ឋនៅតំបន់នេះផង។ ក្នុងលិខិតចេញថ្ងៃទី១២ ខែធ្នូ ឆ្នាំ២០២២ របស់ក្រសួងមហាផ្ទៃ បានស្នើឲ្យក្រសួងអភិវឌ្ឍន៍ជនបទចុះពិនិត្យលទ្ធភាពស្ថាបនាស្ពានបេតុងទាំង២កន្លែងនេះ ដែលឆ្លងកាត់ទន្លេតូចដូចខាងក្រោម៖
១.ពីភូមិព្រែកសណ្តែក ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង ទៅភូមិល្វេ ឃុំល្វេ ស្រុកកោះសូទិន ខេត្តកំពង់ចាម មានប្រវែង១១០ម៉ែត្រ។
២.ពីភូមិព្រែកព្នៅ ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង ទៅភូមិកំពង់ចំបក់ ឃុំព្រែកតានង់ ស្រុកកោះសូទិន ខេត្តកំពង់ចាម មានប្រវែង១១០ម៉ែត្រ។
ប្រជាពលរដ្ឋសង្ឃឹម និងសប្បាយរីករាយ ថាឆ្នាំ២០២៣ខាងមុខ ពួកគេបានទទួលសមិទ្ធផលថ្មីមួយទៀតហើយ៕
