[Kley Kley News] - អភិបាលរាជធានី ជំរុញឲ្យដោះស្រាយផលប៉ះពាល់នៅតំបន់២ ដើម្បីឆាប់បានសង់ស្ពានអាកាស
2018-04-26
Go to the website published Kley Kley News
/5ae16c7a02496_1524722760_large.jpg)
លោក ឃួង ស្រេង អភិបាលរាជធានីភ្នំពេញ បានជំរុញឱ្យមន្ត្រីពាក់ព័ន្ធធ្វើការដោះស្រាយផលប៉ះពាល់នៅតំបន់ក្បាលថ្នល់ និងរង្វង់មូលចោមចៅ ឱ្យបានលឿនបំផុតតាមដែលអាចធ្វើបាន ដើម្បីឈានដល់ការបើកការដ្ឋានសាងសង់ស្ពានអាកាសទាំងពីរនេះ នាពេលដ៏ខ្លីខាងមុខ និងជួយសម្រួលការកកស្ទះចរាចរណ៍។ ការលើកឡើងនេះ ធ្វើឡើងក្នុងប្រជុំពិភាក្សាជាថ្មីម្តងទៀតពាក់ព័ន្ធនឹងការដ្ឋាននៃការស្ថាបនាស្ពានអាកាសទាំង២ កាលពីថ្ងៃទី២៥ ខែមេសា ឆ្នាំ២០១៨។
លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានឱ្យដឹងថា បើតាមគម្រោងការដ្ឋានសង់ស្ពានអាកាស និងផ្លូវក្រោមដីនៅរង្វង់មូលចោមចៅ គ្រោងនឹងចំណាយពេលប្រមាណ២០ខែ ដើម្បីស្ថាបនាឱ្យរួចរាល់។
លោកបញ្ជាក់ថា បច្ចុប្បន្ននេះស្ថានភាពចរាចរណ៍ នៅចំណុចរង្វង់មូលចោមចៅ ក្នុងខណ្ឌពោធិសែនជ័យ មានការកកស្ទះចរាចរណ៍ស្ទើររាល់ថ្ងៃ ហើយចរាចរណ៍នៅលើផ្លូវជាតិលេខ៤ ផ្លូវជាតិលេខ៣ និងមហាវិថីសហព័ន្ធរុស្ស៊ី ចូលមករាជធានីភ្នំពេញ ក៏មានការកកស្ទះច្រើនផងដែរ។
ចំណែកស្ពានអាកាស១ទៀត គឺអាជ្ញាធរគ្រោងនឹងសាងសង់នៅច្រមុះជ្រូកក្បាលថ្នល់ជាមួយនឹងផ្លូវ៦០ម៉ែត្រ ដែលជាចំណុចប្រសព្វរវាងផ្លូវ៦០ម៉ែត្រ ផ្លូវព្រះមុនីវង្ស និងផ្លូវ២៧១ ជាប់ព្រំប្រទល់រវាងខណ្ឌមានជ័យ និងខណ្ឌចំការមន ក្បែរនឹងស្ពានអាកាសក្បាលថ្នល់តែម្តង៕
