កាលពី​ពេល​ថ្មី​ៗនេះ​​ ក្រសួង​សាធារណការ​ និង​ដឹកជញ្ជូន​​​​ បាន​ចេញ​សេចក្តី​ប្រកាស​​​ត្រៀម​បើក​​ដំណើរ​ការសាកល្បង​​​​​​ផ្លូវល្បឿន​លឿន​​​រយ:ពេល​ ១​ខែ​​​​​​​​ ដោយរាប់ចាប់​ពី​​​ថ្ងៃទី​១​ ដល់​៣១ ​​ខែ​តុលា​ឆ្នាំ​​ ២០២២ ​ ​ខាងមុខ​​នេះ ។​ ដោយ​ហេតុ​​​​​​​​​ថា​ ប្រទេស​កម្ពុជា​​​​​​​​ទើប​​​តែ​មានផ្លូ​វល្បឿន​លឿន​​​​ជាលើ​ដំបូង​​​​​ ប្រ​ជាជន​មួយ​ចំនួន​ធំ​​មិន​ទាន់​បាន​យល់​ច្បាស់​​អំពី​​របៀប​បើកបរ​ និង​ស្លាក​ចរាចរ​ផ្សេង​ៗ​ដែល​មាន​នៅ​​​លើ​ផ្លូវ​​នេះ​​ ​​ដូច្នេះ​ក្រសួងបានចេញ​​​​​សេចក្តី​ណែនាំ​អំពី​​​​​​​ការប្រើប្រាស់​​​​ផ្លូវ​ល្បឿន​​លឿន​ពី​ភ្នំពេញ-ព្រះ​សីហនុ​​​ នេះមក​។​ នៅក្នុង​​​​​​​​​សេចក្តី​​​​​​​​​​ណែនាំ​​​​នេះផងដែរ ក្រសួង​​បាន​​​​​​​​​​ចង្អុល​​​​​បង្ហាញ​​​​​​​​​ ៥​ចំណុ​​​ច​​​ដើម្បី​ត្រៀម​​​ខ្លួន​មុន​ពេល​​​បើកបរ​​​​នៅលើ​ផ្លូវល្បឿន​លឿន​​​ ក្នុងនោះ​រួមមាន​៖ ១. សំបកកងៈ កុំឱ្យមានស្នាមប្រេះ ប៉ោង និងមានក្រឡាល្អ ហើយពិនិត្យសម្ពាធខ្យល់ក្នុងកង់ឱ្យបានត្រឹមត្រូវ គឺកុំឱ្យតឹង ឬធូរពេក​​​។ ២.ភ្លើងៈ ភ្លើងសញ្ញាប្ដូរទិស ភ្លើងហ្វាង និងភ្លើងហ្វា-កួត ត្រូវដំណើរការល្អ ៣.ទឹក ប្រេងម៉ាស៊ីន ត្រូវមានបរិមាណគ្រប់គ្រាន់តាមកម្រិត ៤.ចំណាំងផ្លាតពណ៌ក្រហមរាងត្រីកោណ និងបំពង់ពន្លត់អគ្គិភ័យៈ ត្រូវមានទាំងពីរ សម្រាប់រថយន្តធុនធ្ងន់ ចំណែករថយន្តធុនស្រាលត្រូវមានចំណាំងផ្លាតពណ៌ក្រហមរាងត្រីកោណ ៥. ខ្សែក្រវាត់សុវត្ថិភាពៈ ត្រូវពាក់ខែ្សក្រវ៉ាត់​ទាំងអ្នកបើកបរ និងអ្នករួមដំណើរ