[Khmer times] - កម្ពុជាបង្ហាញការចាប់អារម្មណ៍លើគម្រោងរថភ្លើងក្រោមដីនៅក្នុងទីក្រុងភ្នំពេញ
2022-09-15
Go to the website published Khmer times
គម្រោងរថភ្លើងលើអាកាសដែលបានស្នើឡើងត្រូវបានគេលុបចោលដើម្បីគាំទ្រដល់គម្រោងរថភ្លើងក្រោមដី។
រដ្ឋាភិបាលកម្ពុជាបានបង្ហាញថា ខ្លួនគាំទ្រដល់ការសាងសង់រថភ្លើងក្រោមដីក្នុងរាជធានីភ្នំពេញ ដើម្បីធ្វើឲ្យប្រសើរឡើងនូវការដឹកជញ្ជូនសាធារណៈក្នុងរាជធានីនិងជុំវិញខេត្តកណ្តាលជាជាងរថភ្លើងលើអាកាសដូចនៅទីក្រុងបាងកក។ថ្លែងទៅកាន់ប្រព័ន្ធផ្សព្វផ្សាយក្នុងស្រុកក្នុងពិធីបើកការដ្ឋានសាងសង់ស្ពានអាកាសក្នុងទីក្រុង លោកនាយករដ្ឋមន្ត្រី ហ៊ុន សែន បានមានប្រសាសន៍ថា គម្រោងរថភ្លើងក្រោមដីដែលអាចនឹងចំណាយ ១,៨ ពាន់លានដុល្លារ គឺជាជម្រើសដែលត្រូវយមកគិត។
លោកបានបន្តថា៖ «វាស្មុគស្មាញពេកក្នុងការសាងសង់រថភ្លើងលើអាកាស ព្រោះវានឹងប៉ះពាល់ដល់ដំបូលផ្ទះប្រជាជន»។
ទីភ្នាក់ងារសហប្រតិបត្តិការអន្តរជាតិជប៉ុន (JICA) បានបញ្ចប់ការសិក្សាសម្រាប់បណ្តាញរថភ្លើងលើអាកាសមួយដែលបានរកឃើញថាការសាងសង់នឹងត្រូវចំណាយអស់ប្រហែល ២ពាន់លានដុល្លារអាមេរិក ខណៈដែលក្រុមហ៊ុនចិនត្រូវបានស្នើសុំឱ្យបញ្ចប់ការសិក្សាសម្រាប់ប្រព័ន្ធរថភ្លើងក្រោមដី ឬរថភ្លើងលើអាកាស(monorail)។
ក្រសួងសាធារណការ និងដឹកជញ្ជូន បានលើកទឹកចិត្តដល់ក្រុមហ៊ុនបរទេស ដែលភាគច្រើនមកពីប្រទេសចិន បង្កើតសំណើសម្រាប់គម្រោងដឹកជញ្ជូនសាធារណៈសំខាន់ៗ ដើម្បីកាត់បន្ថយការកកស្ទះនៅក្នុងទីក្រុង។ កាលពីខែកក្កដា រដ្ឋមន្ត្រីក្រសួងសាធារណការ និងដឹកជញ្ជូន លោកទេសរដ្ឋមន្ត្រី ស៊ុន ចាន់ថុល បានស្នើឱ្យសាជីវកម្មផ្លូវ និងស្ពានចិន (CRBC) ធ្វើការសិក្សាស៊ីជម្រៅបន្ថែមទៀតដើម្បីធ្វើអោយគម្រោងអភិវឌ្ឍន៍ដឹកជញ្ជូនសាធារណៈរបស់កម្ពុជាសម្រេចបានផ្លែផ្កា។
នៅខែមេសា ឆ្នាំ២០២១ ក្រសួងសាធារណការ និងដឹកជញ្ជូនបានស្នើឱ្យធនាគារអភិវឌ្ឍន៍អាស៊ីជួយរៀបចំយុទ្ធសាស្រ្តសម្រាប់គម្រោងផ្លូវរថភ្លើងលើអាកាស និងរថភ្លើងក្រោមដី។
