កិច្ចប្រជុំពេញអង្គនៃគណៈកម្មាធិការគណបក្សក្រសួង ដើម្បីពិភាក្សាលើលទ្ធផលនៃការអនុវត្តកម្មវិធីនយោបាយចំពោះវិស័យសាធារណការ និងដឹកជញ្ជូនពីឆ្នាំ២០១៨ ដល់ឆ្នាំ២០២២ និងគោលនយោបាយ សម្រាប់ការអភិវឌ្ឍបន្តឆ្នាំ២០២៣ ដល់ឆ្នាំ២០២៨ រាជធានីភ្នំពេញ៖ ថ្ងៃសុក្រ ១៥កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែសីហា ឆ្នាំ២០២២ ឯកឧត្តម តូច ចាន់កុសល អនុប្រធានគណៈកម្មាធិការគណបក្សក្រសួង តំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានគណៈកម្មាធិការគណបក្សក្រសួង សាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពេញអង្គនៃគណៈកម្មាធិការគណបក្សក្រសួង ដោយមានការចូលរួមពីសមាជិកសមាជិកាគណៈកម្មាធិការគណបក្សក្រសួង។ កិច្ចប្រជុំនេះបានប្រកាសសុពលភាពសមាសភាពគណៈកម្មាធិការហិរញ្ញវត្ថុនៃគណបក្សក្រសួង និង សមាសភាពបន្ថែមគណៈចាត់តាំងនៃគណបក្សក្រសួង ព្រមទាំងបានប្រគល់ត្រារបស់គណៈកម្មាធិការ ត្រួតពិនិត្យ និងគណៈកម្មាធិការហិរញ្ញវត្ថុគណបក្សក្រសួង ក៏ដូចជាត្រារបស់គណ:កម្មាធិការគណបក្សមូលដ្ឋានចំនួនបីផងដែរ។ ឯកឧត្តមប្រធានអង្គប្រជុំបានជំរុញលើកទឹកចិត្តឱ្យអង្គប្រជុំពិភាក្សាលើលទ្ធផលនៃការអនុវត្តកម្មវិធីនយោបាយរបស់គណបក្សចំពោះវិស័យសាធារណការ និងដឹកជញ្ជូនឆ្នាំ២០១៨ ដល់ឆ្នាំ២០២២ និងគោល នយោបាយសម្រាប់អភិវឌ្ឍន៍បន្តឆ្នាំ២០២៣ ដល់ឆ្នាំ២០២៨របស់ក្រសួង ព្រមទាំងផ្សព្វផ្សាយឯកសាររបស់គណៈឃោសនាអប់រំ នៃគណៈកម្មាធិការកណ្ដាលប្រចាំខែកក្កដា ឆ្នាំ២០២២ និងទិសដៅការងារ ខែបន្ទាប់៕