[Swift news daily] - នាយកដ្ឋាននគរបាលចរាចរណ៍ និង សណ្ដាប់ធ្នាប់សាធារណៈ បំភ្លឺនូវឯកសារភ្ជាប់ពេលធ្វើចរាចរណ៍
2022-08-02
Go to the website published Swift news daily
(ភ្នំពេញ)៖ បន្ទាប់ពីមានប្រតិកម្មកក្រើកហ្វេសប៊ុកពីមហាជន ពាក់ព័ន្ធនឹងការតម្រូវឱ្យអ្នកបើកបរយានយន្តយកឯកសារច្បាប់ដើមដាក់តាមខ្លួន ដូចជា បណ្ណបើកបរ បណ្ណសំគាល់យានយន្ត និង កន្ទុយឈៀក នៅព្រឹកថ្ងៃទី ២ ខែ សីហា ឆ្នាំ ២០២២ នេះនាយកដ្ឋាននគរបាលចរាចរណ៍ និង សណ្ដាប់ធ្នាប់សាធារណៈ បានចេញមកបំភ្លឺថា អ្នកបើកបរ ត្រូវមានឯកសារភ្ជាប់ពេលធ្វើចរាចរណ៍ដូចខាងក្រោម ៖
១- បណ្ណបើកបរ ( ច្បាប់ដើម )
២- បណ្ណសំគាល់យានយន្ត ( ច្បាប់ចម្លងមានការបញ្ជាក់ត្រឹមត្រូវ បញ្ជាក់ពី អាជ្ញាធរខណ្ឌស្រុកក្រុង )
៣-វិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត ( ច្បាប់ចម្លងមានការបញ្ជាក់ត្រឹមត្រូវ បញ្ជាក់ពី អាជ្ញាធរខណ្ឌស្រុកក្រុង)៕
