សិក្ខាសាលាស្តីពីការរៀបចំផែនការមេប្រព័ន្ធដឹកជញ្ជូនឆ្លាតវៃសម្រាប់ប្រទេសកម្ពុជា រាជធានីភ្នំពេញ៖ ថ្ងៃអង្គារ ១៣ រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែកក្កដា ឆ្នាំ២០២២ លោក គង់ សុផល អគ្គនាយករង និងជាតំណាងឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក ​ក្រសួងសាធារណការ និងដឹកជញ្ជូន បានអញ្ជើញ​សិក្ខាសាលាស្តីពីការរៀបចំផែនការមេប្រព័ន្ធដឹកជញ្ជូនឆ្លាតវៃសម្រាប់ប្រទេសកម្ពុជា។ សិក្ខាសាលានេះត្រូវបានរៀបចំឡើងក្រោមកិច្ចសហការរវាងក្រសួងសាធារណការ និងដឹកជញ្ជូន និងក្រុមការងារនៃវិទ្យាស្ថាន KRIHS នៃសាធារណរដ្ឋកូរ៉េ។ ផែនការមេប្រព័ន្ធដឹកជញ្ជូនឆ្លាតវៃនេះ ត្រូវបានរៀបចំឡើងដើម្បីកំណត់ទិសដៅក្នុងការអភិវឌ្ឍប្រព័ន្ធដឹកជញ្ជូនឆ្លាតវៃនៅប្រទេសកម្ពុជា ក៏ដូចជាបង្កើនប្រសិទ្ធភាពនៃការដឹកជញ្ជូនផងដែរ។ សិក្ខាសាលានេះត្រូវបានរៀបចំឡើងរយៈពេលពីរថ្ងៃចាប់ពីថ្ងៃទី២៦ ដល់២៧ ខែកក្កដា ឆ្នាំ២០២២ នៅសណ្ឋាគារRaffels Royal ដោយមានការចូលរួមពីសំណាក់លោកអនុប្រធាននាយកដ្ឋាន លោក-លោកស្រីប្រធានការិយាល័យ និងមន្រ្តីជំនាញផងដែរ៕