ពីធីសម្ពោធជាផ្លូវការផ្លូវបេតុងអាមេ ០១ខ្សែ ប្រវែង​ ១៧០០ម៉ែត្រ ទទឹង ៥ម៉ែត្រ កម្រាស់ ០,១៥ម៉ែត្រ ស្ថិតនៅភូមិបាង និងភូមិម្កាក់ ឃុំដើមឬស ស្រុកកណ្ដាលស្ទឹង ខេត្តកណ្ដាល ឯកឧត្តម ស៊ុយ សែម រដ្ឋមន្រ្ដីក្រសួងរ៉ែនិងថាមពល​ បានអញ្ជេីញជាអធិបតីភាពដ៏ខ្ពង់ខ្ពស់​ដាក់សម្ពោធជាផ្លូវការនូវផ្លូវបេតុងអាមេ ០១ខ្សែ ប្រវែង​ ១៧០០ម៉ែត្រ ទទឹង ៥ម៉ែត្រ កម្រាស់ ០,១៥ម៉ែត្រ ស្ថិតនៅភូមិបាង និងភូមិម្កាក់ ឃុំដើមឬស ស្រុកកណ្ដាលស្ទឹង ខេត្តកណ្ដាល ដែលចំណាយទឹកប្រាក់សរុបចំនួន ២៩៧ ៥០០ដុល្លារអាមេរិក​ ក្រោមមូលនិធិរ៉ែទ្រទ្រង់កិច្ចអភិវឌ្ឍន៍សហគមន៍មូលដ្ឋាន(មូលនិធិរ៉ែ)។ សូមជម្រាបជូនផងដែរថា កន្លងមកក្រសួងបានផ្ដល់ឱ្យនូវមូលនិធិរ៉ែនេះដល់អាជ្ញាធរមូលដ្ឋានទូទាំងប្រទេស​ សរុបបានចំនួន ៣៩គម្រោង ដែលបានបម្រើផលប្រយោជន៍ដល់ប្រជាពលរដ្ឋប្រមាណ ២៦ ៥៧៧គ្រួសារ និងកំពុងអនុវត្គគម្រោងបន្ដចំនួន ២៣គម្រោង ក្នុងនោះរួមមាន ផ្លូវបេតុង សាលារៀន ស្រះទឹក និងប្រឡាយទឹក ដែលស្ថិតនៅតំបន់ដែលមានប្រតិបិត្តការធនធានរ៉ែ។ ឆ្លៀតក្នុងឱកាសនោះ ឯកឧត្តមរដ្ឋមន្ត្រី បានសំដែងនូវអំណរគុណចំពោះការខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការក្រសួងរ៉ែនិងថាមពល ជាពិសេសក្រុមការងារមូលនិធិរ៉ែ ក្នុងការសម្របសម្រួលសាងសង់ផ្លូវ​ ០១ខ្សែរនេះ​ ហេីយសម្រេចបានជាសមិទ្ធផលក្នុងថ្ងៃនេះ។