កិច្ចប្រជុំរវាងក្រុមការងារគម្រោងអភិវឌ្ឍន៍ប្រព័ន្ធចម្រោះទឹកកខ្វក់នៅក្នុងក្រុងតាខ្មៅ អគ្គនាយកដ្ឋានដោះស្រាយផលប៉ះពាល់ដោយសារគម្រោងអភិវឌ្ឍន៍ និងទីប្រឹក្សាបច្ចេកទេសគម្រោង ថ្ងៃចន្ទ ១៣រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមិថុនា ឆ្នាំ២០២២ នៅទីស្តីការក្រសួងសេដ្ឋកិច្ច និងហិរញ្ញវត្ថុ ឯកឧត្តម សួន ភារិទ្ធ អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សារវាងក្រុមការងារគម្រោងអភិវឌ្ឍន៍ប្រព័ន្ធចម្រោះទឹកកខ្វក់នៅក្រុងតាខ្មៅ ក្រុមការងារអគ្គនាយកដ្ឋានដោះស្រាយផលប៉ះពាល់ដោយសារគម្រោងអភិវឌ្ឍន៍ និងទីប្រឹក្សាបច្ចេកទេស។ អង្គប្រជុំបានពិភាក្សាលើវឌ្ឍនភាពគម្រោង ការដោះស្រាយផលប៉ះពាល់ បញ្ហាប្រឈម សំណូមពរ និងដំណោះស្រាយ។ សូមជម្រាបថា រហូតមកដល់ពេលនេះ គម្រោង​អភិវឌ្ឍន៍ប្រព័ន្ធចម្រោះទឹកកខ្ចក់ នៅក្រុងតាខ្មៅ កំពុងស្ថិតក្នុងដំណាក់កាលនៃការសិក្សាគំនូសប្លង់លម្អិត ហើយគ្រោងនឹងធ្វើការជ្រើសរើសក្រុមហ៊ុនសាងសង់ នៅពេលការសិក្សាគំនូសប្លង់លម្អិតបញ្ចប់៕