[BTV] - ក្រសួងសាធារណការ ផ្តើមធ្វើផ្លូវស្ពានថ្មីមួយខ្សែប្រវែង ៨០០ម៉ែត្របន្ថែមទៀត ដើម្បីបញ្ចៀសពីចំណុចងាយរងគ្រោះចំពោះអ្នកធ្វើដំណើរ
2022-04-29
Go to the website published BTV
ឧត្តរមានជ័យ៖ ក្រសួងសាធារណការ និងដឹកជញ្ជូន បានស្ថាបនាផ្លូវស្ពានថ្មថ្មីមួយខ្សែបន្ថែមទៀត ដើម្បីសម្រួលដល់ការធ្វើចរាចរក្នុងការធ្វើដំណើរឆ្លងកាត់របស់ប្រជាពលរដ្ឋ ប្រកបដោយសុវត្ថិភាព ក្នុងការកាត់បន្ថយការបញ្ចៀសពីចំណុចងាយរងគ្រោះថ្នាក់កន្លងមក ដល់អ្នកប្រើប្រាស់កំណាត់ផ្លូវជាតិលេខ ៦៨B នៅត្រង់ចំណុចភូមិកណ្តែក សង្កាត់សំរោង ក្រុងសំរោង ខេត្តឧត្តរមានជ័យ ។
លោក ប៉ាង សំអាត អនុប្រធានមន្ទីរសាធារណការ និងដឹកជញ្ជូនខេត្តឧត្តរមានជ័យ បានឲ្យដឹងថា ផែនការរបស់មន្ទីរសាធារណការ និងដឹកជញ្ជូនខេត្ត ប្រើប្រាស់ថវិកាជាតិផ្តល់តាមគម្រោងផែនការរបស់ក្រសួងសាធារណការ និងដឹកជញ្ជូនក្នុងឆ្នាំ២០២២នេះ បានស្ថាបនាកំណាត់ផ្លូវកៅស៊ូ និងស្ពានបេតុងកាត់ត្រង់ថ្មីមួយកន្លែងបន្ថែមទៀត ស្របតាមកម្រិតស្តង់ដារផ្លូវស្ពានចាស់ដែលតភ្ជាប់ពីចំណុចផ្លូវកោង នៃគល់ស្ពានម្ខាង ឆ្ពោះទៅចំណុចផ្លូវកោងនៃគល់ស្ពានម្ខាងទៀត មានប្រវែងចំនួន ៨០០ម៉ែត្រ ដើម្បីបញ្ចៀសការប្រឈមនឹងគ្រោះថ្នាក់កន្លងមក ចំពោះអ្នកធ្វើដំណើរលើកំណាត់ផ្លូវស្ពាននេះ បច្ចុប្បន្នការស្ថាបនាបានប្រមាណ ៥០%ហើយ នឹងបញ្ចប់នៅពេលខាងមុខឆាប់ៗនេះ៕
