[ANN] - រដ្ឋមន្ត្រីក្រសួងសាធារណការ ស្វាគមន៍ ចំពោះវិនិយោគិនហុងកុង ដែលមានចំណាប់អារម្មណ៍ វិនិយោគ នៅកម្ពុជា
2018-03-21
Go to the website published ANN
រាជធានីភ្នំពេញ៖ រដ្ឋមន្ត្រីក្រសួងសាធារណៈការ និងដឹកជញ្ជូនកាលពីថ្ងៃទី២០ មីនា អំឡុងជួបពិភាក្សាការងារជាមួយគណៈប្រតិភូមកពីក្រុមប្រឹក្សាអភិវឌ្ឍន៍ពាណិជ្ជកម្មទីក្រុងហុងកុង ដែលដឹកនាំដោយឯកឧត្តម Edward YAU បានសម្ដែងការស្វាគមន៍ ចំពោះវិនិយោគិនហុងកុង ដែលមានចំណាប់អារម្មណ៍ វិនិយោគ នៅកម្ពុជា។
ឯកឧត្តម ស៊ុន ចាន់ថុល បានថ្លែថា ឯកឧត្តមគាំទ្រ និងប្តេជ្ញាចិត្តយ៉ាងមុតមាំក្នុងការជួយសម្របសម្រួលដល់វិនិយោគិនហុងកុង ដែលមានចំណាប់អារម្មណ៍ក្នុងការវិនិយោគនៅកម្ពុជា។
ជាមួយគ្នាឯកឧត្តម ក៏បានជម្រាបជូនភ្ញៀវផងដែរ ពីស្ថានភាពនៃការអភិវឌ្ឍន៍ហេដ្ឋា រចនាសម្ព័ន្ធនៅកម្ពុជា ដែលរួមមាន៖ ការស្ថាបនាបណ្តាញផ្លូវថ្នល់ ការធ្វើឱ្យប្រសើរឡើងនូវផ្លូវ ដែកភាគខាងត្បូង និងខាងជើងភ្ជាប់ទៅនឹងបណ្តាប្រទេសអាស៊ាន និងសក្កានុពលផ្លូវដែករវាងទីក្រុង ភ្នំពេញទៅកាន់ទីក្រុងហូជីមិញ។
ក្នុងនោះឯកឧត្តម ក៏បានគូសបញ្ជាក់ផងដែរ អំពីគម្រោងនានានៅក្រុងព្រះសីហនុ មានដូចជា៖ គម្រោងផ្លូវល្បឿនលឿន ការពង្រីកកំពង់ផែសមុទ្រទឹកជ្រៅ ការអភិវឌ្ឍន៍តំបន់សេដ្ឋកិច្ចតំបន់ឆ្នេរសមុទ្រ និងការអភិវឌ្ឍព្រលានយន្តហោះថ្មីនៅរាជធានីភ្នំពេញ និងខេត្តសៀមរាប។
គួរបញ្ជាក់ថា ជំនួបពិភាក្សានេះ ត្រូវបានធ្វើឡើងក្នុងគោលបំណងស្វែងរកឱកាសវិនិយោគពាក់ព័ន្ធនឹងការស្តារឡើងវិញ
នូវហេដ្ឋារចនាសម្ព័ន្ធដឹកជញ្ជូន របស់កម្ពុជា៕
