[Sabay News] - ឡានឡើងស៊េរី ប៉ះពាល់ដល់ផ្នែកសុវត្ថិភាព និងគ្មានការអនុញ្ញាតពីក្រសួង មិនអាចចូលឆៀក និងធ្វើផ្លាកលេខទៀតឡើយ
2022-04-07
Go to the website published Sabay News
ក្រសួងសាធារណការ និងដឹកជញ្ជូនបានសេចក្ដីជូនដំណឹងដែលមានការចុះផ្សាយទំព័រហ្វេសប៊ុកផ្លូវការរបស់ក្រសួងនៅក្នុងថ្ងៃនេះ ស្ដីពីការកែច្នៃដំឡើងម៉ូដែលរថយន្តដោយគ្មានការអនុញ្ញាត។
ដើម្បីធានានូវសន្តិសុខសណ្ដាប់ធ្នាប់ សុវត្ថិភាព និងការគ្រប់គ្រងយានយន្ត ធ្វើចរាចរណ៍នៅ លើផ្លូវថ្នល់ ក្រសួងចង់ជូនដល់ម្ចាស់រថយន្តទាំងអស់ និងម្ចាស់យានដ្ឋានកែច្នៃដំឡើងរថយន្តគ្រប់ប្រភេទឲ្យបានដឹងថា៖
១. រថយន្តដែលបានកែច្នៃដំឡើងម៉ូដែលរថយន្ត ដែលប៉ះពាល់ដល់ផ្នែកសុវត្ថិភាពរបស់យានដូចជា ប្រព័ន្ធចង្កូត ប្រព័ន្ធទ្រ សាក់ស៊ី និងគ្រោងតួ និងគ្មានការអនុញ្ញាត ពីក្រសួងសាធារណការ និងដឹកជញ្ជូន គឺមិនអនុញ្ញាតឱ្យចូលត្រួតពិនិត្យលក្ខណៈបច្ចេកទេស ឬចុះបញ្ជីផ្តល់បណ្ណសម្គាល់ និងបំពាក់ផ្លាកលេខសម្គាល់យានជំនិះឡើយ។
២. យានដ្ឋានកែច្នៃដំឡើងរថយន្ត ដែលធ្វើសកម្មភាពកែច្នៃដំឡើងម៉ូដែលរថយន្ត ដែលប៉ះពាល់ដល់ផ្នែកសុវត្ថិភាពរបស់យាន និងមិនបានសុំការអនុញ្ញាតកែច្នៃដំឡើង ក្រសួងសាធារណការនិងដឹកជញ្ជូន នឹងចាត់វិធានការចុះបិទផ្អាកសកម្មភាពធ្វើអាជីវកម្មនៅទីតាំងយានដ្ឋាននោះ៕
ខាងក្រោមនេះជាសេចក្ដីជូនដំណឹងទាំងស្រុងរបស់ក្រសួង៖
