ឯកឧត្តមទេសរដ្ឋមន្ត្រី ដឹកនាំបុគ្គលិកមន្ត្រីរាជការក្រសួងចូលរួមពិធីសូត្រមន្ត នាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ដើម្បីសេចក្តីសុខសេចក្តីចម្រើនកើតមានដល់ក្រុមគ្រួសារមន្ត្រីរាជការក្រោមឱវាទក្រសួង ក៏ដូចជាប្រជាពលរដ្ឋទូទាំងប្រទេស ថ្ងៃពុធ ៥កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៦ ខែមីនា ឆ្នាំ២០២២ នៅទីស្តីការ ក្រសួង មានការនិមន្តព្រះសង្ឃសូត្រមន្ត ក្រោមព្រះអធិបតីភាពដ៏ខ្ពង់ខ្ពស់ សម្តេចព្រះពោធិ៍វង្ស អំ លឹមហេង ព្រះសង្ឃនាយករងទី១ គង់នៅវត្តមុនីសុវណ្ណ រាជធានីភ្នំពេញ ដើម្បីឧទ្ទិសកុសលផលបុណ្យ និងបួងសួងសុំសេចក្តីសុខសេចក្តីចម្រើនកើតមានដល់ក្រុមគ្រួសារមន្ត្រីរាជការក្រោមឱវាទក្រសួងសាធារណការ និងដឹកជញ្ជូន ក៏ដូចជាប្រជាពលរដ្ឋទូទាំងប្រទេស នាឱកាសពិធីបុណ្យ ចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ពុទ្ធសករាជ ២៥៦៦ គ្រិស្តសករាជ ២០២២ ទេវតាឆ្នាំថ្មី ព្រះនាម កិរិណីទេវី។ កម្មវិធីនេះ មានការអញ្ជើញចូលរួមពីឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ព្រមទាំងឯកឧត្តម លោកជំទាវជាថ្នាក់ដឹកនាំ ទីប្រឹក្សាក្រសួង ឯកឧត្តមនាយកវិទ្យាស្ថាន អគ្គាធិការ លោក លោកស្រីប្រធាននាយកដ្ឋាន-អង្គភាព និងលោកប្រធាន មន្ទីរសាធារណការ និងដឹកជញ្ជូនគ្រប់រាជធានី ខេត្ត ព្រមទាំងបុគ្គលិកមន្ត្រីរាជការក្រោមឱវាទទាំងអស់ផងដែរ៕