កោះធំ៖ ថ្ងៃសៅរ៍ ៤កើត ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែកម្ភៈ ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល សមាជិកគណៈកម្មាធិការកណ្តាលគណបក្សប្រជាជនកម្ពុជា និង ជាប្រធានក្រុមការងារថ្នាក់ជាតិរបស់រាជរដ្ឋាភិបាលចុះមូលដ្ឋានស្រុកកោះធំ បានអញ្ជើញដឹកនាំកិច្ច ប្រជុំផ្សព្វផ្សាយផែនការណែនាំស្ដីពីការងារឃោសនាឆ្ពោះទៅកាន់ការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដោយមានការចូលរួមពីគណៈអចិន្ត្រៃយ៍ក្រុម ការងារគណបក្សចុះមូល ដ្ឋានស្រុក អនុប្រធានក្រុមការងារគណបក្សចុះមូលដ្ឋានស្រុក ប្រធាន-អនុប្រធាន ក្រុមការងារគណបក្ស ចុះមូលដ្ឋានឃុំទាំង១១ គណៈអចិន្ត្រៃយ៍គណៈបក្ស អនុប្រធានទី៣ ក្រុមការងារ គណបក្សចុះជួយឃុំ ក្រុមការងារយុវជនគណបក្សស្រុក ក្រុមការងារចលនាស្ត្រី ប្រធានគណបក្សឃុំ ប្រជាជនក្រុមប្រឹក្សា ឃុំសរុបប្រមាណ១៣០រូប។ កិច្ចប្រជុំនេះរៀបចំឡើងក្នុងគោលបំណងដើម្បីបង្កើនប្រសិទ្ធភាពការងារចុះជួយមូលដ្ឋានស្រុកកោះធំ និងស្វែងរកការគាំទ្រពីប្រជាពលរដ្ឋ សម្រាប់ព្រឹត្តិការណ៍បោះឆ្នោតជ្រើសរើសក្រុមប្រឹក្សាឃុំ/សង្កាត់ នៅខែមិថុនា ឆ្នាំ២០២២ខាងមុខនេះ។ ថ្លែងក្នុងកិច្ចប្រជុំនាឱកាសនោះ ឯកឧត្តមទេសរដ្ឋមន្ត្រី បានណែនាំឱ្យសមាជិកក្រុមការងារគណបក្សចុះជួបប្រជាពលរដ្ឋឱ្យបានដិតដល់ សហការជាមួយបេក្ខជនចាស់ៗ និងជួយផ្សព្វផ្សាយសមិទ្ទផល ថ្មីៗរបស់គណបក្សដែលរួមមានដូចជា៖ រូបភាពគម្រោងប្លង់សាងសង់មន្ទីពេទ្យតេជោ សែនស្រុកកោះធំ គម្រោងស្តារជួសជុល សាងសង់មណ្ឌល សុខភាពនានានៅស្រុកកោះធំ និងសមិទ្ធផលជាច្រើនផ្សេង ទៀត ជាពិសេស ផ្សព្វផ្សាយពីភាពជោគជ័យ ដ៏ត្រចះត្រចង់នៃយុទ្ធសាស្ត្រចាក់វ៉ាក់សាំងបង្កាជំងឺកូវីដ-១៩ជូនប្រជាពលរដ្ឋបានប្រមាណ៩០% នៅ ទូទាំងប្រទេស ក្រោមការដឹកនាំដ៏ឈ្លាសវៃរបស់សម្តេច តេជោនាយករដ្ឋមន្ត្រី ដែលនេះជាជោគជ័យដ៏ ធំធេងបើប្រៀបធៀបនឹងតំបន់អាស៊ីអាគ្នេយ៍ និងពិភពលោក កម្ពុជាឈរលំដាប់លេខរៀងទី៣ ដែល ជាអត្រាខ្ពស់ខ្លាំង ធ្វើឱ្យអ្នកស្លាប់ និងអ្នកឈឺដោយសារជំងឺកូវីដ-១៩បានថយចុះយ៉ាងច្រើន ឈានទៅ បើកប្រទេសជាតិឡើងវិញយ៉ាងទូលំទូលាយសំដៅឱ្យសេដ្ឋកិច្ច ជាតិយើងងើបឡើងវិញ ក៏ដូចជាផ្តល់ ឱកាសបង្កើតការងារធ្វើជូនប្រជាពលរដ្ឋយើងឡើងវិញផងដែរ។ បន្ថែមពីលើនេះ ឯកឧត្តមទេសរដ្ឋមន្ត្រី បានជំរុញលើកទឹកចិត្តឱ្យសមាជិកក្រុមការងារគណបក្សទាំងអស់ ជួយផ្សព្វផ្សាយអំពីការកើនឡើងនៃជីវិតសង្ឃឹមរស់គិតជាមធ្យម(Life Expectancy)ចំនួន១៤ឆ្នាំបន្ថែម ទៀតរបស់ប្រជាជនកម្ពុជាប្រៀបធៀបទៅនឹងរយៈពេល ២០ ឆ្នាំកន្លងទៅ ដោយសារកម្ពុជាមានការរីក ចម្រើនលើវិស័យហេដ្ឋារចនាសម្ព័ន្ធរូបវន្ត ជាពិសេសមធ្យោបាយ និងផ្លូវធ្វើដំណើរឆ្ពោះទៅកាន់មន្ទីរពេទ្យ ដើម្បីស្វែងរកសេវាថែទាំនិងព្យាបាលសុខភាព រួមជាមួយនឹងបរិស្ថានរស់នៅស្អាត អាហារបរិភោគគ្រប់ គ្រាន់ និងទឹកទទួលទានស្អាតជាដើម និងចុះតាមខ្នងផ្ទះដើម្បីណែនាំឱ្យបងប្អូនប្រជាពលរដ្ឋយើងដែល មិនទាន់បានចាក់វ៉ាក់សាំងដូសទី៣ ជំរុញគាត់ឱ្យចាក់ដូសទី៣ឱ្យបានគ្រប់ៗគ្នា ជាពិសេសកុំភ្លេចនាំយកអាល់កុល ជែល សាប៊ូលាងដៃ និងក្រម៉ាចែកជូនពួកគាត់ដោយគ្មានការរើសរើងផងដែរ។ ជាទីបញ្ចប់ ឯកឧត្តមទេសរដ្ឋមន្ត្រី បានជំរុញឱ្យសមាជិកក្រុមការងារគណបក្សយកផែនការនេះទៅអនុវត្ត ឱ្យបានជោគជ័យ រួបរួមគ្នាទាំងបេក្ខជនចាស់ទាំងបេក្ខជនថ្មីក្នុងគោលដៅតែមួយយកឈ្នះការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៥នៅខែមិថុនាជូនបក្សឱ្យបាន ពីព្រោះនេះជាការបោះឆ្នោត ដ៏សំខាន់និងជាអាយុជីវិតរបស់គណបក្ស និងសូមលើកឡើងនូវបញ្ហាប្រឈមដើម្បីថ្នាក់ដឹកនាំអាចលើកយកទៅពិចារណារកមធ្យោបាយដោះស្រាយគ្រប់បែបយ៉ាងដើម្បីដណ្ដើមបានជោគជ័យជូនគណ បក្សផងដែរ៕