[Rasmei Kampuchea Daily News] - ក្រសួងសាធារណការ និងដឹកជញ្ជូន បន្តរក្សាតំណែង នៅកំពូលតារាងដដែល
ដោយៈ សុវណ្ណកុម្ភៈ / ភ្នំពេញៈ ទោះបីការប្រកួតហែលទឹកជើងឯកជាតិ ដែលកំពុង តែប្រព្រឹត្តិទៅ នាខេត្តបាត់ដំបង នៅមិនទាន់បញ្ចប់ ក៏ពិតមែន តែក្លិបក្រសួងសាធា រណការ និងដឹកជញ្ជូន នៅតែរក្សាតំណែងដោយគ្រង មេដាយ ច្រើនជាងគេដដែល។
គិតត្រឹមល្ងាចថ្ងៃទី៩ មករា ដែលជាថ្ងៃ នៃព្រឹត្តិការណ៍ ការប្រកួតកីឡាហែលទឹក ជ្រើសរើសជើងឯកថ្នាក់ជាតិ និងជាថ្ងៃ សម្ពោធដាក់ឲ្យប្រើប្រាស់ ជាផ្លូវការ មណ្ឌល កីឡាហែលទឹក បាត់ដំបង ក៏ក្លិបមួយនេះ នៅបន្តឈរនៅកំពូល តារាងដដែល។
ក្លិបហែលទឹកក្រសួងសាធារណការ និងដឹកជញ្ជូន ដណ្តើមបានមេដាយ ២១ គ្រឿង ក្នុងនោះ មេដាយមាស ៨ គ្រឿង ប្រាក់ ៦ គ្រឿង និងសំរិទ្ធ ៧ គ្រឿង ក្លិបហែលទឹក ក្រសួងមហាផ្ទៃ ដណ្តើមបានមេដាយ ១១ គ្រឿង រួមមាន មេដាយមាស ៥ គ្រឿង ប្រាក់ ៤ គ្រឿង និងសំរិទ្ធ ២ គ្រឿង ក្លិបហែលទឹក ក្រសួងសេដ្ឋកិច្ច និងហិរញ្ញវត្ថុ ដណ្តើមបានមេដាយ ១ គ្រឿង រួមមាន មេដាយមាស ២ គ្រឿង ប្រាក់ ៤ គ្រឿង និងសំរិទ្ធ ៤ គ្រឿង ក្លិបហែលទឹក ក្រសួងព័ត៌មាន ទទួលបានមេដាយប្រាក់ ១ គ្រឿង និងសំរិទ្ធ ១ គ្រឿង និងក្លិបហែលទឹក ព្រឹទ្ធាចារ្យ ហែម ថុន ដណ្តើមមេដាយសំរិទ្ធ ១ គ្រឿង។
ការប្រកួតមានក្រុមកីឡាករ-កីឡាការិនី និងគណៈប្រតិភូ គ្រូបង្វឹកចូលរួម ១២៣ នាក់ ក្នុងនោះ កីឡាករចំនួន ៧៤ នាក់ កីឡាការិនី ៣៨ និងគ្រូបង្វឹក១១នាក់ មកពី ៦ ក្លិប រួមមានក្លិបហែលទឹក ក្រសួងសាធារណការ និងដឹកជញ្ជូន ក្លិបហែល ទឹកក្រសួង សេដ្ឋកិច្ច និងហិរញ្ញវត្ថុ ក្លិបហែលទឹក ក្រសួងមហាផ្ទៃ ក្លិបហែលទឹក ក្រសួងព័ត៌មាន ក្លិបហែលទឹកនាគរាជ ខេត្តកំពង់ចាម និងក្លិបហែលទឹកព្រឹទ្ធាចារ្យ ហែម ថុន ។
លោកបានបន្តថាៈ ដោយមានការសហការ រវាងសហព័ន្ធខ្មែរ កីឡាហែលទឹក និងគណៈកម្មាធិការជាតិ ប៉ារ៉ាអូឡាំពិកកម្ពុជា ក្នុងនោះ យើងក៏ធ្វើការប្រកួតកីឡា ជនពិការជើងឯកថ្នាក់ជាតិ ២០២២ ដើម្បីជ្រើសរើសពួកគាត់ ចូលរួមជាមួយ ក្រុមជម្រើសជាតិ ២០២២ របស់ក្រសួងអប់រំ យុវជន និងកីឡា ផងដែរ៕/V-PC
