ភ្នំពេញ​៖​ ហេតុការណ៍អគ្គិភ័យមួយបានឆាបឆេះ​រថយន្តស៊េរីទំនេីប​មួយគ្រឿង​ ក្នុងឃ្លាំងចាក់សោរមួយកន្លែង ដោយមិនដឹងមូលហេតុ​ បង្កការភ្ញាក់ផ្អេីលដល់សមត្ថកិច្ចមូលដ្ឋានខណ្ឌដង្កោ ហៅរថយន្តពន្លត់អគ្គិភ័យ ចុះមកជួយអន្តរាគមន៍​កាត់សោរ​ចូលពន្លត់​បានទាន់ពេលវេលា​ផងដែរ។ ហេតុការណ៍អគ្គិភ័យនេះបានកើតឡើងកាលពីវេលាម៉ោង​០១និង៣០នាទីយប់រំលងអាធ្រាត​ ថ្ងៃទី១៦​ ខែតុលា​ ឆ្នាំ២០២១នេះ ស្ថិតនៅចំណុចឃ្លាំង​ស័ង្កសីមួយកន្លែង តាមបណ្តោយផ្លូវ២១៧ ភូមិខ្វា​ សង្កាត់ដង្កោ ខណ្ឌដង្កោ រាជធានីភ្នំពេញ​។ សមត្ថកិច្ចមូលដ្ឋានបានប្រាប់ឲ្យដឹងថា​ ចំពោះមូលហេតុ​ នៃការឆាបឆេះ​ បណ្តាលមកពីការ​ឆ្លងចរន្តអគ្គិសនី​ ហើយក្នុងហេតុការណ៍មួយនេះដែរ បណ្តាលឲ្យឆាបឆេះដែកស័ង្កសី​អស់មួយចំនួន និងឆាបឆេះ​រថយន្ត​ស៊េរីទំនើប​មួយគ្រឿង ម៉ាកតូយ៉ូតា​ អាល់ផាត(TOYOYA ALPHARD)១២កៅអី​ ប៉ុន្តែមិនបណ្តាលឲ្យឆេះរាលដាលដល់ផ្ទះអ្នកជិតខាងឡេីយ។ សម្រាប់ប្រតិបត្តិការសង្គ្រោះវិញ សមត្ថកិច្ចប្រើប្រាស់រថយន្ដការិយាល័យបង្ការ និងពន្លត់អគ្គិភ័យចំនួន​ ២គ្រឿង ប្រើប្រាស់ទឹកអស់​ ២ឡាន ស្មើនឹង ១២ម៉ែត្រគូប​ ​ទើបរលត់ទាំងស្រុង នៅវេលាម៉ោង​ ១និង៥០នាទីយប់រំលងអាធ្រាត​​នាថ្ងៃដដែរ៕