សកម្មភាពរបស់ក្រុមការងារ សហភាពសហព័ន្ធយុវជនកម្ពុជា វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប បានចុះជួយសម្របសម្រួលការចាក់វ៉ាក់សាំងបង្ការជម្ងឺកូវីដ-១៩ ដល់កុមារអាយុ ៦-១២ ឆ្នាំ នៅមណ្ឌលសុខភាពពពេល ស្រុកសូទ្រនិគម ខេត្តសៀមរាប នៅថ្ងៃអង្គារ ០៦កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១២ ខែតុលា ឆ្នាំ២០២១ ក្រុមការងារ សហភាពសហព័ន្ធយុវជនកម្ពុជា វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប បានចុះសហការជាមួយ ស.ស.យ.ក ស្រុកសូទ្រនិគម បានជួយសម្របសម្រួលការចាក់វ៉ាក់សាំងបង្ការជម្ងឺកូវីដ-១៩ ដល់កុមារអាយុ៦ ឆ្នាំ ដល់១២ ឆ្នាំ នៅមណ្ឌលសុខភាពពពេល ឃុំពពេល ស្រុកសូទ្រនិគម ខេត្តសៀមរាប ដោយមានការចូលរួមពីក្រុមគ្រូពេទ្យ និងអាជ្ញាធរមានសមត្ថកិច្ចពាក់ព័ន្ធផងដែរ ។ យុទ្ធនាការនេះគឺដើម្បីចូលរួមជាមួយរាជរដ្ឋាភិបាល ក្នុងការប្រយុទ្ធប្រឆាំងជំងីកូវីដ-១៩ និងជំរុញការចាក់វ៉ាក់សាំងជូនពលរដ្ឋឱ្យសម្រេចទៅតាមគោលដៅគ្រោងទុករបស់រាជរដ្ឋាភិបាល ក្នុងការទប់ស្តាត់ការឆ្លងរីករាលដាលពីជម្ងឺកូវីដ-១៩ និងកាត់បន្ថយអត្រាមរណៈរបស់ពលរដ្ឋដែលរងគ្រោះឆ្លងជម្ងឺនេះ ព្រមទាំងជួយធ្វើឱ្យស្ថានភាពការរីករាលដាលចម្លងនៃជម្ងឺកូវីដ-១៩ មានភាពធូស្រាល និងបានប្រសើរឡើងនាពេលឆាប់ៗខាងមុខនេះ ដើម្បីបើកទទួលភ្ញៀវទេសចរណ៍មកទស្សនកិច្ចនៅខេត្តសៀមរាប។ សូមបញ្ជាក់ជូនផងដែរថាក្នុងយុទ្ធនាការចាក់វ៉ាក់សាំងបង្ការជម្ងឺកូវីដ-១៩ ដល់កុមារអាយុ ៦-១២ ឆ្នាំ នៅមណ្ឌលសុខភាពពពេល ឃុំពពេល ស្រុកសូទ្រនិគម ខេត្តសៀមរាប ក្នុងថ្ងៃដំបូងនេះ មានកុមារបានមកទទួលចាក់វ៉ាក់សាំងសរុបចំនួន ១២៥ នាក់៕