ឯកឧត្តមរដ្ឋលេខាធិការប្រចាំការ តូច ចាន់កុសល ដឹកនាំកិច្ចប្រជុំរបស់គណៈកម្មការការផ្ទេរសម្ភារ បរិក្ខារ និងធនធានពីវិទ្យាស្ថាននាវាចរណ៍កម្ពុជាឱ្យស្ថិតក្រោមការគ្រប់គ្រងវិទ្យាស្ថានតេជោសែន សាធារណការ និងដឹកជញ្ជូនលើកទី១ នៅថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០២ ខែកញ្ញា ឆ្នាំ២០២១ នៅទីស្តីការក្រសួង ឯកឧត្តម តូច ចាន់កុសល រដ្ឋលេខាធិការប្រចាំការក្រសួងសាធារណការ និងដឹកជញ្ជូន និងជាប្រធានគណៈកម្មការការផ្ទេរសម្ភារ បរិក្ខារ និងធនធានពីវិទ្យាស្ថាននាវាចរណ៍កម្ពុជា ឱ្យស្ថិតក្រោមការគ្រប់គ្រងវិទ្យាស្ថានតេជោសែន សាធារណការ និងដឹកជញ្ជូន បានដឹកនាំកិច្ចប្រជុំពិភាក្សាលើកទី១ តាមប្រព័ន្ធវីដេអូពីចម្ងាយ។ នៅក្នុងកិច្ចប្រជុំនេះ មានការចូលរួមដោយផ្ទាល់ និងតាមប្រព័ន្ធវីដេអូពីចម្ងាយពីថ្នាក់ដឹកនាំក្រសួង ឯកឧត្ដម លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានអគ្គនាយកំពង់ផែស្វយ័តក្រុងព្រះសីហនុ ឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជាទទួលបន្ទុកប្រធានអគ្គនាយកកំពង់ផែស្វយ័តភ្នំពេញ និងអស់លោក លោកស្រី ដែលជាសមាជិកគណៈកម្មការ និងអនុគណៈកម្មការ។ កិច្ចប្រជុំនេះ មានគោលបំណងជម្រុញ និងរក្សានិរន្តរភាពការអប់រំ និងបណ្តុះបណ្តាល វិស័យនាវាចរណ៍នៅកម្ពុជា។ ជាលទ្ធផល អង្គប្រជុំបានឯកភាព និងសម្រេចដូចខាងក្រោម៖ • ផ្ទេរសម្ភារ និងបរិក្ខារពីវិទ្យាស្ថាននាវាចរណ៍កម្ពុជាឱ្យស្ថិតក្រោមការគ្រប់គ្រងវិទ្យាស្ថានតេជោសែនសាធារណការ និងដឹកជញ្ជូន ស្របតាមគំនិតផ្តួចផ្តើមរបស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធាណការ និងដឹកជញ្ជូន • ស្នើសុំ និងអនុញ្ញាតឲ្យធនធានមនុស្សដែលធ្លាប់បម្រើការងារនៅវិទ្យាស្ថាននាវាចរណ៍កម្ពុជា បន្តចូលរួមក្នុងកម្មវីធីបណ្តុះបណ្តាលវិស័យនាវាចរណ៍ ដើម្បីគាំទ្រ និងរក្សានិរន្តរភាពវិស័យនាវាចរណ៍ • ស្នើសុំអង្គភាពពាក់ព័ន្ធទាំងអស់សហការគ្នាជាបន្ត៕