[Rasmei News] - ទោះបីស្ថិតក្នុងតំណាក់កាលទប់ស្កាត់ វីរុសបំប្លែងថ្មីដែលតា (DELTA) មន្ទីរសាធារណការខេត្តព្រះវិហារ នៅតែបន្តថែទាំនិងជួសជុលផ្លូវខូចជាប្រចាំ
2021-08-05
Go to the website published Rasmei News
ព្រះវិហារ ៖ មន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុងធ្វើសកម្មភាពការងារថែទាំជាប្រចាំ លើកំណាត់ផ្លូវជាតិ ផ្លូវខេត្ត ក្នុងភូមិសាស្ត្រខេត្តព្រះវិហារ បើទោះបីប្រទេសកម្ពុជា កំពុងស្ថិតក្នុងតំណាក់កាលនៃការបង្ការ ទប់ស្កាត់ជម្ងឺកូវីដ-១៩ ពិសេសវីរុសបំម្លែងថ្មីដែលតា (DELTA) ហើយខេត្តព្រះវិហាក៏ជាខេត្ត១ក្នុងចំណោមខេត្តទាំង៨ដែលត្រូវបានបិទខ្ទប់ក៏ដោយ ។
ជាក់ស្តែងនៅថ្ងៃទី០៥ សីហា ឆ្នាំ២០២១នេះក្រុមការងារនៃមន្ទីរសាធារណការ និងដឹកជញ្ជូនខេត្តព្រះវិហារ បាននិងកំពុងស្រោចកៅស៊ូ សៀល លុបស្នាមប្រេះ ក្រាលដីល្បាយថ្ម ចោះផ្លូវ និងកៀរសម្រួលផ្លូវជាច្រើនខ្សែ នៅក្នុងខេត្តព្រះវិហារ ។
លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានអោយដឹងថា បើទោះបីប្រទេសកម្ពុជាបាននិងកំពុងស្ថិតក្នុងតំណាក់កាលនៃការបង្ការទប់ស្កាត់ជម្ងឺកូវីដ-១៩ ពិសេសវីរុសបំប្លែងថ្មីដែលតា(DELTA) ក៏ដោយ ក៏ការអនុវត្តតាមការណែនាំរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូននិងលោក ប្រាក់ សុវណ្ណ អភិបាលខេត្តព្រះវិហារ ក្រុមការងារថែទាំផ្លូវថ្នល់របស់មន្ទីរសាធារណការ និងដឹកជញ្ជូន ខេត្តព្រះវិហារនៅតែបន្តសកម្មភាពនៃការងារថែទាំផ្លូវជាប្រចាំ ។
ជាក់ស្តែងនៅពេលនេះមន្ទីរសាធារណការ និងដឹកជញ្ជូនខេត្តព្រះវិហារ បាននិងកំពុងធ្វើសកម្មភាពការងារថែទាំជាប្រចាំ លើកំណាត់ផ្លូវជាតិ ផ្លូវខេត្ត ក្នុងភូមិសាស្ត្រខេត្តព្រះវិហារ ក្នុងនោះមានដូចជា៖
១.ក្រុមការងារថែទាំផ្លូវខេត្តលេខ ២៦២៦ ថ្ងៃនេះ បន្ត ស្រោច កៅស៊ូ សៀល លុបស្នាម ប្រេះ ស្ថិតនៅគីឡូម៉ែត្រ ២៥+០០០ ដល់ គ.ម ២៨+០០០ ស្ថិតក្នុងស្រុកជាំក្សាន្ត ខេត្តព្រះវិហារ ។
២.ក្រុមការងារថែទាំផ្លូវខេត្ត ផ្លូវទឹកក្រហម ក្រាលដីល្បាយថ្ម ប្រវែង ១៧,៣៥ គីឡូម៉ែត្រ ចាប់ពីស្រះម្លិះ ដល់ភូមិទឹកក្រហម។ ថ្ងៃនេះបន្តចាក់ដីល្បាយថ្ម កៀរពង្រាយ និងកិនបង្ហាប់បានបញ្ចប់ ១០០% ស្ថិតក្នុងស្រុកជាំក្សាន្ត ខេត្តព្រះវិហារ។
៣.ក្រុមការងារថែទាំផ្លូវជាតិលេខ ៩ ថ្ងៃនេះបន្តចោះផ្លូវ ស្ថិតនៅគីឡូម៉ែត្រ ៥៩៨+១០០ ទំហំ ៨៨ម៉ែត្រx ៤ម៉ែត្រ ស្មើ ៣៥២ ម៉ែត្រការ៉េ សម្រេចបាន ៧០% ស្ថិតក្នុងក្រុងព្រះវិហារ ខេត្តព្រះវិហារ។
លោកសំ លាងទ្រី ក្នុងឱកាសនោះ ក៏បានសូមឱ្យម្ចាស់ការដ្ឋានអាជីវកម្មថ្ម ខ្សាច់ និងដី ក្នុងខេត្តព្រះវិហារទាំងអស់ រថយន្តដឹកជញ្ជូនធុនធ្ងន់ដែលលើសទម្ងន់កម្រិតកំណត់ សូមមេត្តាចូលរួមសហការតាមការណែនាំរបស់ក្រសួងសាធារណការ និងដឹកជញ្ជូន៕
