ស្វែងយល់ពីការជួសជុលថែទាំកំណាត់ផ្លូវជាតិលេខ៣ (កំពត-វាលរេញ) តំបន់ភូមិសាស្ត្រទាបជាងគេ និងមានស្រទាប់ដីខាងក្រោមជ្រាយខ្លាំង(Soft Soil) កំណាត់ផ្លូវជាតិលេខ៣ (កំពត-វាលរេញ) ស្ថិតក្នុងភូមិសាស្ត្រខេត្តកំពត និងខេត្តព្រះសីហនុ មានប្រវែងសរុប ៥៤,៣គីឡូម៉ែត្រ ត្រូវបានចាប់ផ្ដើមបើកការដ្ឋានសាងសង់ ថែទាំ និងពង្រឹងគុណភាពនៅថ្ងៃទី២៣ ខែកុម្ភៈ ឆ្នាំ២០១៨ ។ ក្នុងនោះត្រូវបែងចែកជាពីរកំណាត់។ កំណាត់ទីមួយ (ពីគ.ម ១៤៧+១០០ ដល់១៨១+០០០) ប្រវែង ៣៤គីឡូម៉ែត្រ ត្រូវបានជួសជុល និងក្រាលបេតុងកៅស៊ូ ហើយត្រូវបានបញ្ចប់រួចរាល់ទាំងស្រុង។ ឯកំណាត់ទីពីរ (គ.ម ១៨១+000 ដល់ គ.ម២០១+៤00) ប្រវែង ២០គីឡូម៉ែត្រ ត្រូវធ្វើការ ជួសជុលពង្រឹងឡើងវិញ ដោយធ្វើការលើកកម្ពស់តួថ្នល់ចំនួន ៤៥សង់ទីម៉ែត្រ ប៉ុន្តែដោយសារគ្រោះទឹកជំនន់កាលពីឆ្នាំ២០១៩ រួមផ្សំតំបន់ភូមិសាស្ត្រទាបជាងគេ និងមានស្រទាប់ដីខាងក្រោមជ្រាយខ្លាំង(Soft Soil) ដែលមិនអាចទ្រទ្រង់នឹងកម្លាំងទឹកជំនន់បានធ្វើឱ្យកំណាត់ផ្លូវនេះត្រូវបានបំផ្លាញទាំងស្រុង។ ដើម្បីសោះស្រាយបញ្ហានេះ ក្រសួងបានអនុញ្ញាតឱ្យក្រុមហ៊ុនជំនាញធ្វើការសិក្សាឡើងវិញលើកំណាត់ផ្លូវ២០គីឡូម៉ែត្រនេះ និងកំពុងស្វែងរកកញ្ចប់ថវិកាឱ្យបានគ្រប់គ្រាន់ ដើម្បីសាងសង់ឲ្យរឹងមាំបានយូរស្របតាមទីតាំងភូមិសាស្ត្រ។ :::ព័ត៌មានលម្អិត៖ https://www.facebook.com/353419234842423/posts/1719997351517931/ :::ប្រសាសន៍ទាំងស្រុងរបស់ឯ.ឧ.ទេសរដ្ឋមន្ត្រី៖ https://fb.watch/v/W1Ud642b/