សកម្មភាពផ្សព្វផ្សាយការងារសុវត្ថិភាពចរាចរណ៍ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តក្រចេះ បានចុះចែកខិត្តប័ណ្ណផ្សព្វផ្សាយពីសុវត្ថិភាពការធ្វើដំណើរចំនួន ៣៥០សន្លឹក ជូនពលរដ្ឋក្នុងខេត្ត នៅថ្ងៃសុក្រ ១រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែមិថុនា ឆ្នាំ២០២១ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តក្រចេះ បានចុះចែកខិត្តប័ណ្ណផ្សព្វផ្សាយ អំពីសុវត្ថិភាពការធ្វើដំណើរតាមរថយន្តក្នុងរដូវកាល កូវីដ-១៩ ដើម្បីជាការពញ្ញាក់ស្មារតីដល់អ្នកបើកបរ និងអ្នករួមដំណើរឲ្យមានការប្រុងប្រយ័ត្នខ្ពស់ ក្នុងការទប់ស្តាត់ការរីករាលដាលនៃជម្ងឺ កូវីដ-១៩ ព្រមទាំងអនុវត្តអោយបាននូវវិធានសុវត្ថិភាព ៣ការពារ ៣កុំ នៅតាមទីតាំងចំណតរថយន្តដឹកជញ្ជូនអ្នកដំណើរ និងសាខាសាលាបង្រៀនបើកបរយានយន្ត ស្ថិតក្នុងភូមិសាស្រ្ត ក្រុងក្រចេះ ខេត្តក្រចេះ ដោយជាលទ្ធផលបានប្រើប្រាស់ខិត្តប័ណ្ណ សរុបចំនួន ៣៥០សន្លឹក ៕