ក្រុមការងារចល័តចម្រុះសម្រាប់ឆ្មក់ បានចុះត្រួតពិនិត្យយានយន្តលើសទម្ងន់ត្រួតពិនិត្យយានយន្តដឹកជញ្ជូននៅគោលដៅដើមទី ខេត្តបាត់ដំបង ថ្ងៃពុធ ១៤រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែមិថុនា ឆ្នាំ២០២១ ក្រុមការងារចល័តរបស់ក្រសួង ដឹកនាំផ្ទាល់ដោយ ឯកឧត្តម ឯក រដ្ឋ អនុរដ្ឋលេខាធិការ និង លោក តាំង ពៅ ប្រធានលេខាធិការដ្ឋានគណកម្មាធិការសម្របសម្រួលអចិន្ត្រៃយ៍ នៃគណកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងសហការដោយប្រធានមន្ទីរសាធារណការ និងដឹកជញ្ជូនខេត្តបាត់ដំបង និងអាជ្ញាធរមូលដ្ឋាន បានចុះត្រួតពិនិត្យយានយន្តដឹកជញ្ជូនលើផ្លូវជាតិលេខ ៥៧ នៅទីតាំងដើមទីត្រង់ PK21 ឃុំស្នឹង ស្រុកបាណន់ ខេត្តបាត់ដំបង។ ក្នុងកិច្ចប្រតិបត្តិការនេះក្រុមការងារត្រួតពិនិត្យរថយន្តដឹក ស៊ីម៉ង់ និងដំឡូងមី ចំនួន ៦១គ្រឿង។ ការត្រួតពិនិត្យយានយន្តដឹកជញ្ជូននៅគោលដៅដើមទី ក្នុងគោលបំណងទប់ស្កាត់យានយន្តដឹកលើសទម្ងន់ចេញពីរោងចក្រឆ្ពោះទៅបណ្តាលខេត្តផ្សេងៗ។ សូមក្រុមហ៊ុនផ្គត់ផ្គង់ សហគ្រាស និងម្ចាស់រថយន្តដឹកជញ្ជូនទាំងអស់ចូលរួមសហការដោយធ្វើការដឹកជញ្ជូនតាមច្បាប់កំណត់ ដើម្បីថែរក្សាផ្លូវជាតិឲ្យបានយូរអង្វែង និងកាត់បន្ថយគ្រោះថ្នាក់ចរាចរណ៍។