[Khmer times] - ការសិក្សាគម្រោងអភិវឌ្ឍន៍ផ្លូវរថភ្លើងក្រោមដី គ្រោងនឹងបញ្ចប់ក្នុងរយៈពេលមួយខែខាងមុខនេះ
2021-04-08
Go to the website published Khmer times
ការសិក្សាគម្រោងអភិវឌ្ឍន៍ផ្លូវរថភ្លើងក្រោមដី គ្រោងនឹងបញ្ចប់ក្នុងរយៈពេលមួយខែខាងមុខទៀតនេះ ខណៈដែលរដ្ឋាភិបាលស្វែងរកជំនួយឬប្រាក់កម្ចីពីធនាគារក្នុងតំបន់។
ការលើកឡើងនេះត្រូវបានធ្វើឡើងដោយលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកាលពីថ្ងៃអង្គារក្នុងឱកាសជួបពិភាក្សាការងាជាមួយគណៈប្រតិភូ ធនាគារអភិវឌ្ឍន៍ អាស៊ីក្រោមការសម្រួលពីលោក Alexander D. Nash អ្នកឯកទេសអភិវឌ្ឍន៍ទីក្រុង (Urban Development Specialist) តាមប្រព័ន្ធវីដេអូពីចម្ងាយ។
លោក ស៊ុន ចាន់ថុល ថ្លែងថាវិស័យឯកជនដែលបានធ្វើការសិក្សាជិតបញ្ចប់រួចរាល់ហើយ ខណៈដែលការសិក្សាគម្រោងអភិវឌ្ឍន៍រថភ្លើង Mono Rail នៅរាជធានីភ្នំពេញត្រូវបានសិក្សាចប់សព្វគ្រប់ហើយ។
ជាមួយគ្នានេះផងដែរ លោក ស៊ុន ចាន់ថុល ក៏បានស្នើឱ្យធនាគារអភិវឌ្ឍន៍អាស៊ីពិនិត្យមើលការសិក្សា និងបានបន្ថែមថាជាមួយនឹងការវិនិយោគរបស់វិស័យឯកជ នគម្រោងទាំងនេះនឹងចូលរួមចំណែកក្នុងការកាត់បន្ថយការកកស្ទះចរាចរណ៍នៅក្នុងរាជធានីភ្នំពេញនិងលើកកម្ពស់ការអភិវឌ្ឍយ៉ាងឆាប់រហ័សនៅក្នុងប្រទេស។
ជាការឆ្លើយតបលោក Alexander D. Nash បានគូសបញ្ជាក់ថា ធនាគារអភិវឌ្ឍន៍អាស៊ីនឹងធ្វើការពិនិត្យនិងសម្របសម្រួលចំពោះសំណើទាំងនេះ៕
