ក្នុងអំឡុងមួយសប្តាហ៍នេះ ព្រះរាជាណាចក្រកម្ពុជា នឹងទទួលឥទ្ធិពល ជាបន្តបន្ទាប់ដូចជា៖ -ថ្ងៃទី១៧-១៩ ខែមីនា ឆ្នាំ២០២១ ឥទ្ធិពល នៃខ្យល់ស្ងប់វិលវល់ (DIVERGENCE WIND) និងបណ្តូសម្ពាធទាបជាច្រើន (LOW PRESSURE CELL ) -ថ្ងៃទី២០-២៣ ខែមីនា ឆ្នាំ២០២១ ភាគឦសាន ទទួលឥទ្ធិពលពីទ្រនុងសម្ពាធខ្ពស់ប៉ាស៊ីហ្វិក និងភាគនិរតី ទទួលឥទ្ធិពលពីជ្រលងសម្ពាធទាបឥណ្ឌូនេស៊ី ។ ស្ថានភាពបែបនេះនឹងធ្វើឲ្យ៖ ១-បណ្តាខេត្តនៅតំបន់វាលទំនាបកណ្ដាល៖ សីតុណ្ហភាពអប្បបរមា មានពី ២៥-២៨ °C សីតុណ្ហភាពអតិបរមា មានពី ៣៥-៣៨ °C មានភ្លៀងផ្គរ រន្ទះ ពីខ្សោយទៅច្រើន ។ ២-បណ្តាខេត្ត ជាប់ជួរភ្នំដងរែក និងខ្ពង់រាបឦសាន ៖ សីតុណ្ហភាពអប្បបរមា មានពី ២៥-២៨ °C សីតុណ្ហភាពអតិបរមា មានពី ៣៥-៣៨ °c មានភ្លៀងផ្គរ រន្ទះ ផ្សែងក្រូចទៅច្រើន ។ ៣-តំបន់មាត់សមុទ្រ ៖ សីតុណ្ហភាពអប្បបរមា មាន ពី ២៤-២៧ °c សីតុណ្ហភាពអតិបរមា មានពី ៣២ -៣៥ °C មានភ្លៀងផ្គរ រន្ទះ ពីខ្សោយទៅច្រើន ។ អាស្រ័យដូចបានជម្រាបជូនខាងលើ សូមសាធារណជនជ្រាបជាព័ត៌មាន និងយកចិត្តទុកដាក់ប្រុងប្រយ័ត្ននូវបាតុភូតខ្យល់កន្ត្រាក់ ដែលអាចនឹងកើតមាននៅថ្ងៃទ ២១ ដល់ថ្ងៃទី ២៣ មីនា ២០២១ ៕