[Rasmei Kampuchea Daily News] - ក្រសួងសាធារណការលុបចោលការជ្រើសរើសមន្ត្រីក្របខ័ណ្ឌថ្មីជាង១៣០កន្លែងសម្រាប់ឆ្នាំនេះ
ភ្នំពេញៈ ក្រសួងសាធារណការ និងដឹកជញ្ជូន បានស្នើនិងទទួលបានគោលការណ៍ឯកភាពពីសម្តេចតេជោ ដោយលុបចោលការជ្រើសរើសមន្ត្រីក្របខ័ណ្ឌថ្មីចំនួន១៣៣កន្លែងសម្រាប់ឆ្នាំ២០២១។នេះជាការរួមចំណែកជាមួយរាជរដ្ឋាភិបាលក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ (Covid-19) ដែលកំពុងបន្តរាតត្បាតនៅក្នុងពិភពលោក ក៏ដូចជានៅក្នុងប្រទេសកម្ពុជាផងដែរ។
ការប្រកាសលុបចោលការជ្រើសរើសមន្ត្រីក្របខណ្ធថ្មីនេះក៏ធ្វើឡើងក្នុងគោលបំណងដើម្បីចូលរួមសន្សំសំចៃថវិកាជាតិសម្រាប់ទ្រទ្រង់ស្ថិរភាពសេដ្ឋកិច្ច និងសង្គមក្នុងគ្រាលំបាកនេះ។ជាពិសេសក្នុងពេលកូវីដ១៩នេះ៕
