[RFI] - ក្រសួងសាធារណៈការទទូចឲ្យពលរដ្ឋប្រើប្រាស់សេវារដ្ឋដែលមានស្រាប់ក្នុងការប្ដូរប័ណ្ណបើកបរ
2021-01-30
Go to the website published RFI
រដ្ឋមន្ត្រីក្រសួងសាធារណៈការនិងដឹកជញ្ជូន លោក ស៊ុន ចាន់ថុល នៅថ្ងៃទី២៩មករាម្សិលមិញបានអំពាវនាវជាថ្មីទៀតដល់ប្រជាពលរដ្ឋរួមគ្នាប្រើប្រាស់សេវារដ្ឋដែលស្រាប់ក្នុងការ ប្ដូរប័ណ្ណបើកបរ ធ្វើប័ណ្ណបើកបរ ពន្យាប័ណ្ណបើកបរ កាត់ឈ្មោះរថយន្ត និងដូរកាតគ្រីជាដើម។ បើតាមលោក ស៊ុន ចាន់ថុន ការចូលរួមរបស់ពលរដ្ឋក្នុងការប្រើប្រាស់សេវារដ្ឋគឺជាការរួមចំណែកលុបបំបាត់អំពើពុករលួយ។ នេះក៏ដោយសារតែកន្លងមកប្រជាពលរដ្ឋភាគច្រើនបានចំណាយលុយឲ្យទៅឈ្មួញរត់ការលើបញ្ហានេះ។ សូមជម្រាបជូនថា ពលរដ្ឋអាចស្វែងសេវាប្ដូរប័ណ្ណបើកបរ ធ្វើប័ណ្ណបើកបរ ពន្យាប័ណ្ណបើកបរ កាត់ឈ្មោះរថយន្ត និងដូរកាតគ្រីជាដើម នៅផ្សារទំនើបអ៊ីអន១ អ៊ីអន២ និងក្រសួងសាធារណៈការនិងដឹកជញ្ជូនផ្ទាល់តែម្ដងស្ថិតនៅបណ្ដោយផ្លូវជា សុផារ៉ា៕
