[Kampuchea Thmey] - ឆ្នាំ ២០២០ ខេត្តព្រះសីហនុ ចំណាយថវិកាមិនក្រោម ៤០០ លានដុល្លារ លើហេដ្ឋារចនាសម្ព័ន្ធ
2021-01-14
Go to the website published Kampuchea Thmey
លោក អុី សុខឡេង អភិបាលក្រុងព្រះសីហនុ បានឲ្យដឹងថា ឆ្នាំ២០២០ ខេត្តព្រះសីហនុបានចំណាយថវិកាមិនក្រោម ៤០០ លានដុល្លារ លើការអភិវឌ្ឍហេដ្ឋារចនាសម្ព័ន្ធ។
លើកឡើងក្នុងសន្និសីទនៅព្រឹកនេះ លោកបញ្ជាក់ថា គម្រោងស្ថាបនាផ្លូវ ៣៤ ខ្សែដែលកំពុងស្ថាបនាបានប្រើប្រាស់កញ្ចប់ថវិកាជាង ២០០ លានដុល្លារ និងការបន្ថែមទឹកប្រាក់ ១០០ លានដុល្លារទៀតលើគម្រោងផ្លូវ ១១ ខ្សែថ្មី។ ក្រៅពីនេះ ក៏មានថវិកាមូលនិធិឃុំសង្កាត់ លើការសាងសង់ហេដ្ឋារចនាសម្ព័ន្ធតាមមូលដ្ឋាន សរុបទៅមិនក្រោម ៤០០ លានដុល្លារនោះទេ។
បើតាមលោកអភិបាលក្រុង ការដ្ឋានផ្លូវទាំង ៣៤ ខ្សែនៅខេត្តព្រះសីហនុ ប្រវែង ៨២ គីឡូម៉ែត្រ បានបញ្ចប់ការចាក់បេតុង ១០០ ភាគរយ និងកំពុងបន្តអ៊ុតកៅស៊ូបានសម្រេចជាង ៣០ ភាគរយ រួមទាំងការរៀបចំំបំពាក់ភ្លើងបំភ្លឺ និងប្រព័ន្ធលូប្រឡាយ នឹងរួចរាល់ទាំងស្រុងនៅឆ្នាំ២០២១៕
