[Kampuchea Thmey] - កំណាត់ផ្លូវជាតិលេខ២ នៅចាក់អង្រែលើ ដែលបានបាក់ស្រុតជួសជុលឡើងវិញហើយ
2020-12-14
Go to the website published Kampuchea Thmey
កំណាត់ផ្លូវជាតិលេខ២ ស្ថិតនៅក្នុងភូមិសាស្ត្រសង្កាត់ចាក់អង្រែលើ ខណ្ឌមានជ័យ ដែលបានទទួល រងការខូចខាត់ដោយបាក់ស្រុតជាផ្ទាំងៗ ពិបាកក្នុងការធ្វើដំណើរនិងអាចបង្កអោយមានគ្រោះថ្នាក់នោះ ពេលនេះរដ្ឋបាលរាជធានីភ្នំពេញបានជួសជុលឡើងវិញរួចស្រេចហើយ។
មន្ត្រីរដ្ឋបាលរាជធានីភ្នំពេញបាន អោយដឹងថា កំណាត់ផ្លូវជាតិលេខ២ ដែលស្ថិតនៅក្នុងភូមិសាស្ត្រសង្កាត់ចាក់អង្រែលើ ខណ្ឌមានជ័យ ដែលបានបាក់ស្រុតជាផ្ទាំងៗនោះ រដ្ឋបាលរាជធានីភ្នំពេញបានជួសជុលឡើងវិញរួចស្រេចហើយកាលពីម្សិលម៉ិញ។
គួរបញ្ជាក់ថា ការបាក់ស្រុតផ្លូវជាតិលេខ២នៅចាក់អង្រែលើនេះ មហាជនបាននិយាយតៗគ្នាថាដោយសាឡានដឹកខ្សាច់ប្រភេទឡានធុនធំ ដោយតទ្រុងវែងៗហើយដឹកលើសទម្ងន់ថែមទៀតផង ដែលធ្វើឲ្យ ផ្លូវជាតិលេខ២ នៅចាក់អង្រែ មិនអាចទ្រទម្ងន់កង់ឡានដឹកដីខ្សាច់ប្រភេទធុនធំទាំងអស់នោះបាន ទើបបណ្តាលអោយខូចខាតធ្ងន់ធ្ងរបែបនេះ។
ប៉ុន្តែទោះបីជាយ៉ាងណាក្តី រដ្ឋបាលរាជធានីក្រោមការដឹកនាំរបស់លោក ឃួង ស្រេង អភិបាលរាជធានី បានជួសជុលឡើងវិញរួចស្រេចហើយ តាំងពីម្សិលម៉ិញ ថ្ងៃទី១៣ ខែធ្នូ ម្លេះ ដើម្បីបង្កលក្ខណៈងាយស្រួលដល់បងប្អូនប្រជាពលរដ្ឋបានធ្វើដំណើរទៅមក៕
