ផ្លូវជាតិលេខ៤៨ និងកំណាត់ផ្លូវជាតិលេខ៧៣ ត្រូវបានបន្តអនុវត្តថែទាំជួសជុលដោយយកចិត្តទុកដាក់ជាប្រចាំ ពីមន្ទីរសាធារណការ និងដឹកជញ្ជូន ខេត្តកោះកុង និង ត្បូងឃ្មុំ ថ្ងៃចន្ទ ១៣ រោច ខែស្រាពណ៍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែសីហា ឆ្នាំ២០២០ មន្ទីរសាធារណការ និងដឹកជញ្ជូនខេត្តកោះកុង បន្តអនុវត្តការងារជួសជុលខួប និង ថែទាំប្រចាំលើផ្លូវជាតិលេខ៤៨ ដោយបានជួសជុលជង្ហុកសំបុកមាន់ ប្រើល្បាយថ្មម៉ិច និងស៊ីម៉ង់ត៏លាយជាមួយកៅស៊ូCRS2 ត្រង់គ.ម ០៣+២០០ ចំណុចប៉ោងស្រុតត្រង់គ.ម ៤៨+៦០០ និងត្រង់ចំណុចគ.ម ១២២+០០០ - គ.ម ១២៦+០០០ និងបានបន្តការងារថែទាំជាប្រចាំលើផ្លូវខេត្តលេខ១៤៨៥អា ដោយកៀសម្រួលតួថ្នល់ក្រាលក្រួសក្រហម។ ទន្ទឹមថ្ងៃខែដដែលផងដែរ នៅមន្ទីរសាធារណការ និងដឹកជញ្ជូនខេត្តត្បូងឃ្មុំ ក៏បន្តអនុវត្តសកម្មភាពថែទាំប្រចាំ និងការងារជួសជុលបន្ទាន់ លើកំណាត់ផ្លូវជាតិលេខ 73 បានកាយជួសជុលចិញ្ចើមផ្លូវ នៅចន្លោះគ.ម 49+000 ដល់គ.ម 49+300 ស្ថិតនៅក្នុងឃុំសេដា ស្រុកតំបែរ និងកំណាត់ផ្លូវខេត្តលេខ 3117 ដោយស្រោចកៅស៊ូCRS2 និងរោយថ្ម 19mm ពង្រីកចិញ្ចើមផ្លូវ នៅចន្លោះគ.ម 1+000 ដល់គ.ម 3+255 ស្ថិតនៅក្នុងឃុំព្រះធាតុ ស្រុកអូររាំងឪ៕ មានបញ្ហាផ្លូវថ្នល់ខូច សូមរាយការណ៍មកក្រសួង សព្វថ្ងៃនេះ ក្រុមការងារកំពុងយកចិត្តទុកដាក់ក្នងការពង្រឹងគុណភាពផ្លូវថ្នល់ ដូចជាការថែទាំ ការជួសជុល និងការសាងសង់។ សូមចូលរួមសហការជាមួយក្រសួង ដោយទាញយកកម្មវិធី Road Care លើទូរសព្ទស្មាតហ្វូន ហើយធ្វើការរាយការណ៍ផ្លូវខូតខាត ដើម្បីអាចចាត់វិធានការទាន់ពេល ។ ទាយយកឥតគិតថ្លៃ តាមរយៈតំណភ្ជាប់ខាងក្រោម៖ - iOS: roadcare.mpwt.gov.kh/ios - Android: roadcare.mpwt.gov.kh/android