[BTV] - ការកែសម្រួលប្រព័ន្ធចរាចរណ៍ដោយកែសួនច្បារក្តាន់២ ទៅជារង្វង់មូល ឈានដល់ការអ៊ុតកៅស៊ូ សម្រេចស្ថាពរ
2020-06-07
Go to the website published BTV
ភ្នំពេញ ៖ នាពេលកន្លងមក ចំណុចប្រសព្វនៅតំបន់ស្តុបក្ដាន់២ តែតែងមានការកកស្ទះចរាចរណ៍ ជារៀងរាល់ពេល បង្កអោយបងប្អូនប្រជាពលរដ្ឋមួយចំនួន បង្ខំចិត្តបញ្ជាយានយន្ត ដោយបញ្ច្រាស ទិស ដូច្នេះសាលារាជធានីភ្នំពេញ បានសិក្សាបញ្ចៀសទិសដៅចរាចរណ៍ ដើម្បីកាត់បន្ថយការកក់ស្ទះចរាចរណ៍នៅតំបន់ សួនក្ដាន់២នេះ។
ជាក់ស្ដែង នៅព្រឹកថ្ងៃទី៦ ខែ មិថុនា ឆ្នាំ២០២០ នេះថា គម្រោងនៃការកែប្រព័ន្ធចរាចរណ៍និងប្តូរទីតាំងភ្លើងស្តុបនៅចំណុចតំបន់ក្តាន់២ និងការកែសម្រួល សួនច្បារ ក្តាន់ពីរមួយផ្នែកទៅជារង្វង់មូល បានឈានដល់ការអ៊ុតកៅស៊ូ សម្រេចជាស្ថាពរ នៅជុំវិញចំណុចរង្វង់មូលនេះហើយ។ ចំណែកការស្ថាបនាពង្រីកកំណាត់មហាវិថីសហព័ន្ធរុស្សីទទឹង៣ម៉ែត្រ នៃចិញ្ចើមផ្លូវខាងជើង ចាប់ពីស្ថានីយប្រេងឥន្ធនៈតូតាល់ ដល់ផ្លូវកែងមហាវិថីស៊ីសែនធ័រចូលទីក្រុងភ្នំពេញ ស៊ីសែនធ័រ (អតីតតំបន់អភិវឌ្ឍន៍បឹងកក់) និងដាក់លូទំហំ ១ ម៉ែត្រ ដើម្បីរំដោះទឹកចេញពីដង មហាវិថីព្រះមុនីវង្ស និងមហាវិថីសហព័ន្ធរុស្សី ក៏បានឈានដល់ការអ៊ុតកៅស៊ូ សម្រេចជាស្ថាពររួចរាល់ហើយដែរ។
គម្រោងនៃការកែសម្រួលប្រព័ន្ធចរាចរនៅចំណុចតំបន់ក្តាន់២ ដោយប្តូរទីតាំងភ្លើងស្តុបនេះ រដ្ឋបាលរាជធានីភ្នំពេញ ធ្វើឡើងក្នុងគោលបំណង ដើម្បីឱ្យស្ថានភាពចរាចរណ៍នៅតំបន់នេះមានភាពប្រសើរជាងមុន ខណៈដែលតំបន់នេះ មានការកកស្ទះចរាចរណ៍រាល់ថ្ងៃ៕
