ឯ.ឧ​ ទេសរដ្ឋមន្ត្រី ស៊ុន ចាន់ថុល បានអញ្ជើញអុជធូបបួងសួងសុំសេចក្តីសុខសេចក្តីចម្រើន និងបាននាំយកទេយ្យទាន និងបច្ច័យមួយចំនួនប្រគេនដល់ព្រះសង្ឃ ក្នុងក្រុងសៀមរាប ដើម្បីទ្រទ្រង់ចង្ហាន់ក្នុងពេលទប់ស្កាត់ជំងឺកូវីដ-១៩ ថ្ងៃសុក្រ ៨កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែឧសភា ឆ្នាំ២០២០ បន្ទាប់ពីបញ្ចប់បេសកកម្មត្រួតពិនិត្យគុណភាពសាងសង់ផ្លូវជាតិលេខ៥​ និងលេខ៦​ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងគណៈប្រតិភូអមដំណើរ បានអញ្ជើញគោរពបូជាអុជទៀនធូបថ្វាយផ្កាភ្ញីនៅដំណាក់ព្រះអង្គចេកព្រះអង្គចម ឋិតក្នុងក្រុងសៀមរាប​ ដើម្បីបួងសួងសុំសេចក្តីសុខសេចក្តីចម្រើនកើតមានដល់មហាគ្រួសារក្រសួងសាធារណការ និងដឹកជញ្ជូន ក៏ដូចជាបងប្អូនប្រជាពលរដ្ឋខ្មែរទូទាំងប្រទេសផងដែរ។ គួរកត់សម្គាល់ផងដែរថា៖ ព្រះអង្គចេក ព្រះអង្គចម លោកយាយទេព គឺជាបដិមា​ ដែលប្រជារាស្ត្រខ្មែរតែងតែគោរពបូជា និងមានជំនឿយ៉ាងជ្រាលជ្រៅ នៅពេលបានមកកាន់ទឹកដីខេត្តសៀមរាប ដោយពួកគាត់ភាគច្រើនតែងតែមកគោរពបូជាអុជទៀនធូប បូជាបច្ច័យ ថ្វាយផ្កាភ្ញី សុំសេចក្តីសុខសេចក្តី ចម្រើនតាមសេចក្តីប៉ងប្រាថ្នារៀងៗខ្លួន។ ឆ្លៀតក្នុងឱកាសនោះផងដែរ ឯកឧត្តមទេសរដ្ឋមន្ត្រី បាននាំយកទេយ្យទានរួមមាន៖គ្រឿងបរិក្ខារ និង សម្ភារផ្សេងៗរួម មាន៖ អង្ករ ទឹកត្រី ទឹកស៊ីអ៊ីវ មី ត្រីខ ទឹកសុទ្ធ និងទឹកក្រូច ព្រមទាំងបច្ច័យមួយចំនួនប្រគេន ដល់ព្រះសង្ឃគង់នៅវត្តព្រះព្រហ្មរ័ត្ន និងវត្តរាជបូព៌ឋិតនៅក្រុងសៀមរាប ដើម្បីទ្រទ្រង់ចង្ហាន់ក្នុងពេលព្រះសង្ឃកំពុងប្រតិបត្តិតាមវិធានការនានារបស់រាជរដ្ឋាភិបាល ក៏ដូចជាក្រសួងសុខាភិបាលដែលបានដាក់ចេញកាល ពីពេលថ្មីៗនេះ ដើម្បីបង្ការ ទប់ស្កាត់ការរីករាលដាលនៃមេរោគកូវីដ-១៩ ឱ្យកាន់តែមានប្រសិទ្ធភាព។ ទន្ទឹមនឹងនេះផងដែរ​ សូមអំពាវនាវដល់បងប្អូនប្រជាពលរដ្ឋទាំងអស់​ បន្តរក្សាគោលការណ៍អនាម័យ​ដៃស្អាត​ ប្រេីក្រមា​ ឬក្រដាស​ខ្ទប់មាត់ពេលក្អក​ ឬកណ្តាស់ ពាក់មាសតាមការចាំបាច់​ រក្សាគម្លាតតាមការណែនាំ​ ដេីម្បីរួមគ្នាទប់ស្កាត់ការរីករាលដាលជំងឺកូវីដ១៩​៕