សួស្តីឆ្នាំថ្មី ប្រពៃណីជាតិខ្មែរ ឆ្នាំ​ជូត ​ទោស័ក​ ព.ស.២៥៦៤ គ.ស.២០២០ --- ក្នុងឱកាស​បុណ្យ​ចូល​ឆ្នាំ​ថ្មី​ប្រពៃណី​ជាតិ​ខ្មែរ​ឆ្នាំ​ជូត ​ទោស័ក​ ព.ស.២៥៦៤ គ.ស.២០២០ ខ្ញុំសូមបួងសួងដល់ទេវតាឆ្នាំថ្មី ព្រះនាមគោរាគៈទេវី សូមជួយ​ប្រោះព្រំ​ ្របសិទ្ធិពរជ័យ បវរ​សួស្តី​ សិរីមង្គល វិបុលសុខ មហាប្រសើរ ជូនដល់បងប្អូនប្រជាពលរដ្ឋខ្មែរ និងសូមវត្ថុស័ក្កសិទ្ធិក្នុងលោក តាមជួយបីបាច់ថែរក្សាប្រជាពលរដ្ឋខ្មែរទាំងអស់ជួបតែ សេចក្តីសុខសប្បាយ ជៀសឆ្ងាយពីជំងឺរាតត្បាតកូវីដ១៩ និងជួបប្រទះតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សូមបងប្អូនប្រជាពលរដ្ឋទាំងអស់រក្សាអនាម័យស្អាតជានិច្ច ដូចជាត្រូវលាងដៃជាមួយទឹកស្អាត និងសាប៊ូ និង ឬទឹកអាល់កុលសម្លាប់មេរោគជាប្រចាំ ត្រូវពាក់ម៉ាស់ការពារឲ្យបានត្រឹមត្រូវ រក្សាគម្លាតឆ្ងាយពីគ្នាយ៉ាងតិច២ម៉ែត្រ ។