បន្ទាយមានជ័យ៖ មន្ត្រីជំនាញគ្រោងចុះបិទយា នដ្ឋានជួសជុលរថយន្តកែច្នៃ ដែលបង្កហានីភ័យ ម្ចាស់សុំពន្យាពេលដែលចុះនៅថ្ងៃទី៣០ ខែមីនា ឆ្នាំ២០២០ នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ។ លោក គង់ ប៊ុនលឿត អនុប្រធានមន្ទីរសាធារណការ និងដឹកជញ្ជូន ខេត្តបន្ទាយមានជ័យបានប្រាប់ថា៖ជាការណែនាំពីប្រធានសាធារណការដឹកជញ្ជូន ខេត្តបន្ទាយមានជ័យ អោយមន្ត្រីជំនាញចុះមកបិទយានដ្ឋានជួសជុលតែកែច្នៃរថយន្ត ខុសច្បាប់ដែលឈ្មោះ ឆាយ ឈាន ភេទប្រុស នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ។ លោកបានបញ្ជាក់ថា៖ក្រោយពេលមន្ត្រីចុះគ្រោងបិទយានដ្ឋានម្ចាស់ឈ្មោះ ឆាយ ឈាន ត្រូវបានម្ចាស់សំពន្យាពេលរយៈពេល៦ខែ ដើម្បីជួសជុលរថយន្តដែលនៅសល់ចាស់ អោយអស់សិននិងរកទីតាំងប្តូរបានសិនទើបរុះរើចេញ។ លោក គង់ ប៊ុនលឿត បានបញ្ជាក់ថា៖យានដ្ឋានជួសជុលរថយន្តឈ្មោះ ឆាយ ឈាន ច្បាប់អនុញ្ញាតច្បាប់អោយធ្វើអាជីវកម្មជួសជុលរថយន្ត តែចុះពិនិត្យរកឃើញថាមានកែច្នៃរថយន្តខុសច្បាប់ និងប៉ះពាល់បរិស្ថាន ប៉ះពាល់បរិយាកាសដែលកែច្នៃរថយន្តវ៉ៃដំលាន់ស្នូរប៉ះពាល់ប្រជាពលរដ្ឋ។ លោកបញ្ជាក់ថា៖នេះជាលើកទី២ហើយដែលមន្ត្រីជំនាញចុះពិនិត្យយានដ្ឋានក្រោយទទួលបណ្តឹងប្រជាពលរដ្ឋបានប្តឹងចុះលើកទី១ដោយមន្ត្រីចម្រុះនៅថ្ងៃទី២៧ ខែមីនា ឆ្នាំ២០២០ លើកទី២មន្ត្រីជំនាញចុះពិនិត្យថ្ងៃទី៣០ ខែមីនា ឆ្នាំ២០២០ គ្រោងចុះបិតម្ចាស់សំពន្យាពេលរកទីតាំងផ្លាស់ប្តូរ។ លោក គឹម សុវណ្ណ ប្រធានមន្ទីរសាធារណការ និងដឹកជញ្ជូនខេត្តបានបញ្ជាក់ថា៖មិនទាន់ទទួលបានរបាយការណ៍ ពីមន្ត្រីជំនាញចុះពិនិត្យលើកទី២ហើយអនុវត្តបន្ត។ លោក ហ៊ឹល រ៉ាន អភិបាលក្រុសិរីសោភ័ណ បានបញ្ជាក់តាមបណ្តាញសង្គមថា៖យានដ្ឋាន ដែលនៅកណ្តាលក្រុងសិរីភ័ណ ដែលបង្កហានីភ័ណដល់ប្រជាពលរដ្ឋនៅក្បែរដែលធ្លាប់បង្កគ្រោះថ្នាក់បុកបណ្ណាគារបន្ទាយស្រីនិងធ្លាប់យកចំណីផ្លូវធ្វើជាកន្លែងកែច្នៃរយន្តប៉ះពាល់សណ្ឋាប់ធ្នាប់ផ្លូវសាធារណៈត្រូវតែបិទ។ ប្រជាពលរដ្ឋបានសំណូមពរសុំអោយអភិបាលខេត្តបន្ទាយមានជ័យឯកឧត្តម អ៊ុំ រាត្រី ត្រូវតែបិទយានដ្ឋានឈ្មោះ ឆាយ ឈាន ដែលកែច្នៃរថយន្តខុសច្បាប់នៅកណ្តាលក្រុងសិរីសោភ័ណ នេះជាហានីភ័យមួយដែលប្រជាពលរដ្ឋនៅក្បែរមានការព្រួយបារម្ភគ្រប់ពេលក្រោយពេលបង្កគ្រោះថ្នាក់បុកបណ្ណាគារបន្ទាយស្រី។ ហើយយកចំណីផ្លូវសាធារណៈកែច្នៃរថយន្តដែលប៉ះពាល់សណ្ឋាប់ធ្នាប់ និងពេលកែច្នៃរថន្តធុនធំបណ្តាលស្នូរលាន់សូរខ្លាំងប៉ះពាល់អ្នកជិតខាង សុំអោយអាជ្ញាធរបិតយានដ្ឋាននេះ រឺអោយមានការផ្លាស់ប្តូរទីតាំងនេះចេញទើបប្រជាពលរដ្ឋលេងព្រួយបារម្ភ ៕