ខេត្តព្រះវិហា៖ ក្រុមការការងារថែទាំផ្លូវជាប្រចាំនៃមន្ទីរសាធារណការ និងដឹកជញ្ជូន ខេត្តព្រះវិហាបាននិងកំពុងធ្វើសកម្មភាពការងារថែទាំផ្លូវថ្នល់ និងកាត់ស្មៅនៅតាមដងផ្លូវយ៉ាងសកម្ម ទៅតាមការណែរបស់ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងលោក ប្រាក់ សុវណ្ណ អភិបាល នៃគណ:អភិបាលខេត្តព្រះវិហារ ដើម្បីសម្រួលចរាចរណ៍ជូនប្រជាពលរដ្ឋបានធ្វើដំណើរបានស្រួល។ លោក សំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ បានអោយដឹងថា មន្ទីរសាធារណការ និងដឹកជញ្ជូន ខេត្តព្រះវិហារ នៅពេលមេឃរាំងភ្លៀង នាថ្ងៃ​ទី​១៣ ខែ​កញ្ញា ឆ្នាំ​២០១៩នេះ​ តាមរយៈ​ ក្រុមការការងារថែទាំប្រចាំ ផ្លូវជាតិលេខ៦២ (ក្រុមកៅស៊ូ) ថ្ងៃនេះបន្តស្រោចកៅស៊ូ សៀលស្នាមប្រេះ ស្រុត នៅចន្លោះ គីឡូម៉ែត្រ ៣៦+២០០ ដល់ គីឡូម៉ែត្រ ១២៣+០០០ និងក្រុមកាត់ស្មៅតាមចិញ្ចើមផ្លូវជាតិលេខ៦២ ដោយប្រេីប្រាស់​ម៉ាស៊ីនស្វ័យប្រវត្ត​​ បន្តកាត់សម្អាតស្មៅពី គីឡូម៉ែត្រ៩០+០០០ ដល់ គីឡូម៉ែត្រ ៩៤+០០០ ស្ថិតក្នុងឃុំព្រះឃ្លាំង ស្រុករវៀង។ ក្រុមថែទាំផ្លូវជាតិលេខ​ ៩៥ (ក្រុមចោះ) បន្តកាត់ចោះជួសជុលនៅ គម ៣៨+២៣០ដល់ គីឡូម៉ែត្រ ៣៨+៣៦០ស្ថិតក្នុងឃុំពុទ្រា ស្រុកជ័យសែន រីឯការងារសាងសង់ស្ពាន ផ្លូវជាតិលេខ ៩៥ ថ្ងៃនេះចាក់បេតុងកម្រាលស្ពាន(Slab) ស្ពានអូរឆែប គ,ម ០+២២៥ ស្ថិតក្នុងឃុំឆែប១ ស្រុកឆែប ខេត្តព្រះវិហារ។ ក្រុមការងារកៀរសម្រួលផ្លូវក្រាលក្រួសក្រហម បានកៀរសម្រួលផ្លូវជាតិលេខ៩៤ ចាប់ពីស្រុកឆែប ដល់ ព្រំដែនកម្ពុជា-ឡាវ (កំពង់ស្រឡៅ១) ។ ក្រុមការងារលប់សំបុកមាន់ ផ្លូវជាតិលេខ ៩បន្តលប់នៅគម ៥៥៤+២០០ ស្ថិតក្នុងឃុំសង្កែមួយ ស្រុកឆែប និងក្រុមការងារអ៊ុតបេតុងកៅស៊ូ (Asphalt Concrete) នៅលើផ្លូវកោះកែរ ស្ថិតក្នុងក្រុងព្រះវិហារ ខេត្តព្រះវិហារ។ ដេីម្បីសុខសុវត្ថិភាព​ រាល់ការធ្វើដំណើរ លោក សំ លាងទ្រី បានសូមអោយប្រជាពលរដ្ឋចូលរួមគោរពច្បាប់ចរាចរណ៍ ទាំងអស់​គ្នា​ ស្របទៅតាមអនុសាសន៍របស់សម្តេចតេជោហ៊ុន សែន“ថ្ងៃនេះថ្ងៃស្អែកកុំឱ្យមានគ្រោះថ្នាក់ចរាចរណ៍“​ ៕