ព្រះវិហារ​៖​ ​ផ្លូវ​បេតុង​ឡើងភ្នំ​អានសេះ​ ​ស្ថិត​ក្នុង​ស្រុក​ជាំ​ក្សាន្ត​ ​ខេត្តព្រះវិហារ​ ​កំពុង​រង​ផល​ផល​ប៉ះពាល់​ដោយសារ​ជំនន់​ទឹកភ្លៀង​រយៈពេល​ ​៤ថ្ងៃ​កន្លងមក​នេះ​ ​ដោយសារ​មាន​ទឹកហូរ​ច្រោះ​ផ្លូវ​ ​បណ្តាល​ឱ្យ​ស្រុត​បាក់​ដី​ ​ខូចខាត​ផ្លូវ​បេតុង​ទាំងស្រុង​ ​។​ ​ ​តាម​ការ​ជូនដំណឹង​របស់ក្រ​សួង​សាធារណការ​ ​និង​ដឹកជញ្ជូន​ ​បាន​បញ្ជាក់​ថា​ ​ផ្លូវ​បេតុង​ឡើងភ្នំ​អានសេះ​នេះ​ ​មាន​ប្រវែង​ ​១២០ម៉ែត្រ​ ​ទទឹង​ ​៩ម៉ែត្រ​ ​ចាប់ពី​គីឡូម៉ែត្រ​ ​២​+​០០០​ ​ដល់​ ​២​+​១២០​ ​ត្រូវ​បាន​រង​ការខូចខាត​ដោយ​ភ្លៀង​ធ្លាក់​ខ្លាំង​ចំនួន​ ​៤ថ្ងៃ​ជាប់​ៗ​គ្នា​ ​បាន​បង្ក​ទៅជា​ជំនន់​ទឹកភ្លៀង​ហូរច្រោះ​ផ្លូវ​ ​ដែល​ធ្វើ​ឱ្យ​មានការ​ស្រុត​បាក់​ ​។​បច្ចុប្បន្ន​ ​ក្រសួង​ ​និង​ភាគី​ពាក់​ពន័្ធ​ ​កំពុងតែ​យកចិត្ត​ទុកដាក់​ក្នុង​កិច្ចការ​ជួសជុល​ឡើងវិញ​នូវ​កំណាត់ផ្លូវ​ដែល​រង​ការខូចខាត​នេះ​ ​ដើម្បី​សម្រួល​ចរាចរណ៍​ជូន​ប្រជាពលរដ្ឋ​ ​។​ ​ ​សូម​បញ្ជាក់​ផង​ដែរ​ថា​ ​ប៉ុន្មាន​ថ្ងៃនេះ​ ​ប្រទេស​កម្ពុជា​ ​បាន​ទទួលរង​ឥទ្ធិពល​ព្យុះ​ ​ធ្វើ​ឱ្យ​មាន​ភ្លៀង​ធ្លាក់​បន្តបន្ទាប់​ឥត​ឈប់ឈរ​ ​ដែល​កំពុង​គំរាម​គំ​ហែង​ដល់​បណ្តាញ​ផ្លូវ​មួយចំនួន​ ​៕​