បង្កាន់ដៃស្ពានអូរគគី (ព្រំប្រទល់ខេត្តកំពង់ស្ពឺ​ និង​ខេត្តព្រះសីហនុ ) ដែលបាក់ម្សិញមិញ មិនមានអ្វីធ្ងន់ធ្ងរគួរអោយបារម្ភឡើយ — ការចុះពិនិត្យស្ថានភាព និងធ្វើការវាយតម្លៃអំពីផលប៉ះពាល់ស្ពានអូរគគី ដោយគ្រោះទឹកជំនន់កាលថ្ងៃទី ០៦ ខែសីហា ឆ្នាំ២០១៩ បានបង្ហាញឲ្យឃើញថាមិនមានអ្វីធ្ងន់ធ្ងរគួរឲ្យបារម្ភឡើង។ បច្ចុប្បន្ន ក្រសួងបានសហការជាមួយភាគីពាក់ព័ន្ធរៀបចំបិទបំពេញដោយបាវខ្សាច់បណ្តោះអាសន្ន រង់ចាំរំាងភ្លៀងទើបធ្វើការជួសជុលសារជាថ្មី សូមបញ្ជាក់ផងដែរថា ស្ពានអូរគគី បានទទួលរងគ្រោះដោយសារ​ទឹកហូរ ផ្តាច់ដីក្បាលស្ពាន ដែលធ្វើឲ្យបាក់បង្កាន់ដៃស្ពាន នាថ្ងៃទី៥ ខែសីហា ឆ្នាំ២០១៩ ដោយសារមានភ្លៀងធ្លាក់ជោកជាំជាប្រចាំច្រើនថ្ងៃជាប់ៗគ្នា។