មួកសុវត្ថិភាព និងស្ទីកឃ័រចំណាំងផ្លាត បានចែកជូនដល់ប្អូនៗសិស្សានុសិស្សនៅក្នុងខេត្តកំពង់ធំ --- នៅព្រឹកថ្ងៃព្រហស្បតិ៍ ១០រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី២៧ ខែមិថុនា ឆ្នាំ២០១៩ មន្ទីរសាធារណការ និងដឹកជញ្ជូនខេត្តកំពង់ធំ បានសហការជាមួយលេខាធិការដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោកខេត្ត មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកំពង់ធំ, អាជ្ញាធរស្រុកសន្ទុក, ប៉ុស្ដិ៍រដ្ឋបាលនគរបាលឃុំកកោះ, មន្រ្តីការិយាល័យសាធារណការនិងដឹកជញ្ជូនស្រុកសន្ទុក ចុះផ្សព្វផ្សាយច្បាប់ស្តីពីចរាចរណ៍ផ្លូវគោក នៅវិទ្យាល័យហ៊ុនសែនភ្នំសន្ទុក ស្ថិតនៅភូមិជីមាឃ ឃុំកកោះ ស្រុកសន្ទុក ខេត្តកំពង់ធំ ដោយមានលោកគ្រូ អ្នកគ្រូ សិស្សានុសិស្ស ចូលរួមសរុបចំនួន ៧៨០នាក់ ស្រី ៤៣៨នាក់ និងមានកម្មវិធីសួរសំនួរយកមួកសុវត្ថិភាពចំនួន០៦មួក ស្ទីកឃ័រចំណាំងផ្លាតចំនួន១០០សន្លឹក និងចែកខិត្តបណ្ណពាក់ព័ន្ធច្បាប់ចរាចរណ៍ផ្លូវគោកផងដែរ។