[Raksmey News] - ប្រមុខរាជរដ្ឋាភិបាលនៃប្រទេសទាំងពីកម្ពុជា ថៃ បានឯកភាពគ្នាបើកច្រក់ព្រំដែនអន្តរជាតិចំនួន ៤ បន្ថែមទៀត
2019-04-22
Go to the website published Raksmey News
ដោយៈតារារិទ្ធ(បន្ទាយមានជ័យ)៖ប្រមុខរាជរដ្ឋាភិបាលនៃប្រទេសទាំងពីរកម្ពុជា ថៃបានឯកភាពគ្នាបើកច្រក់ព្រំដែនអន្តរជាតិបន្ថែមចំនួន៤ ទៀត ដែលមាននៅក្នុងខេត្តឧត្តរមានជ័យ ,បន្ទាយមានជ័យ,បាត់ដំបង និង ពោធិសាត់ ។ នេះបើយោងតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ។
នៅក្នុងពិធីបើកការដ្ឋានសាងសង់អគារច្រកទ្វារព្រំដែនអន្តរជាតិស្ទឹងបត់និង ផ្លូវតភ្ជាប់ទៅផ្លូវជាតិលេខ៥ នាព្រឹកថ្ងៃទី ២២ ខែ មេសា ឆ្នាំ ២០១៩ នៅទីក្រុងប៉ោយប៉ែត ខេត្តបន្ទាយមានជ័យ ។
សម្តេចតេជោនាយករដ្ឋមន្ត្រីបានមានប្រសាសន៍ថា៖ «អម្បាញ់មិញខ្ញុំបានចរចាជាមួយ នឹងលោក ប្រាយុទ្ធ ចាន់អូចា នាយករដ្ឋមន្ត្រីថៃ ខ្ញុំបានស្នើ ឲ្យបើកនៅច្រកព្រំដែនអន្តរ ជាតិចំនួន ៤ បន្ថែមទៀតដែលរួមមានច្រកអានសេះរវាងខេត្តព្រះវិហារ និងខេត្តអ៊ូប៊ុនរាជធានី, មាត់ច្រក់ជប់គគីរខេត្តឧត្តរមានជ័យ និង ខេត្តបុរីរ៉ាម ,ច្រក់ភ្នំដី និង ច្រកមួយទៀតនៅថ្មដា» ។
សម្តេចតេជោនាយករដ្ឋមន្ត្រីបានលើកឡើងថាការបើកច្រក់ព្រំដែនបន្ថែមនេះនឹងជួយជំរុញដល់ការធ្វើពាណិជ្ជកម្មរវាងប្រទេសទាំងពីរនិងការដោះ ដូរទំនិញទៅមករវាងប្រជា ជននៃប្រទេសទាំងពីរ ។
សម្តេចតេជោនាយករដ្ឋមន្ត្រី ហ៊ុន សែន បានឲ្យដឹងទៀតថានៅក្នុងជំនួបចរចារគ្នារយៈពេលខ្លីនេះសម្តេចក៏បានស្នើសុំដែករ៉ៃ(ផ្លូវរថភ្លើង)ដែលប្រទេសឈប់ប្រើមកកម្ពុជាហើយ សម្តេចក៏បានទទួលនូវការឆ្លើយតបជាវិជ្ជមានពីនាយករដ្ឋមន្ត្រីថៃ ប្រាយុទ្ធ ចាន់អូចា ។ ក្នុងការផ្តល់ដែករ៉ៃចំនួន ១៤០ គីឡូម៉ៃ មកឲ្យកម្ពុជា ដើម្បីកសាងផ្លូវដែកបន្ថែមទៀត ។
ច្រកទាំងបួននោះមានច្រកអានសេះនៅស្រុកជាំក្សាន្ដខេត្តព្រះវិហារជាប់នឹងស្រុកណាំ យឺន ខេត្តអ៊ូប៊ុនរ៉ាតថានីរបស់ថៃ, ច្រកភ្នំដីខេត្តបាត់ដំបង ជាប់នឹងខេត្តស្រះកែវរបស់ថៃ,ច្រកភ្នំដាក្នុងខេត្តពោធិ៍សាត់ជាប់នឹងខេត្តត្រាតរបស់ថៃ និង ទី៤ គឺច្រកជប់គគីរក្នុងស្រុកបន្ទាយអំពិលខេត្តឧត្តរ មានជ័យជាប់នឹងស្រុកបាងគ្រួត ខេត្តបុរីរ៉ាំ របស់ថៃ ៕
