កំពង់ឆ្នាំងៈ នៅរសៀលថ្ងៃទី ៣១ ខែ ធ្នូ ឆ្នាំ ២០១៨ លោក កែវ ពៅ ប្រធានមន្ទីរសាធារណការនិងដឹកជញ្ជូនព្រមទាំងសហការី បានចុះសាកសួរសុខទុក្ខនិង នាំយកអំណោយរបស់ សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ទៅចែកជូកដល់មណ្ឌលកុមារកំព្រាខេត្តកំពង់ឆ្នាំង។ ក្នុងឱកាសនោះ លោក កែវ ពៅ បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចក្រឡោហោមឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដែលកន្លងមកសម្តេចតែងតែគិតគូរពីសុខទុក្ខប្រជាពលរដ្ឋគ្រប់ទីកន្លែងជាពិសេសកុមារកំព្រាគ្មានទីពឹងដោយមិនប្រកាន់ពូជសាសន៍និងនិន្នាការនយោបាយឡើយ។ លោកកែវ ពៅ ក៏បានផ្តាំផ្ញើអោយក្មួយៗខិតខំថែទាំសុខភាពអោយបានល្អ សូមចូលរួមគោរពច្បាប់ចរាចរណ៍ ខិតខំរៀនសូត្រ ត្រូវជៀសអោយឆ្ងាយពីគ្រឿងញៀននិងអំពើអបាយមុខផ្សេងៗដែលសង្គមស្អប់ខ្ពើម។ ក្នុងឱកាសនោះលោកកែវ ពៅបាននាំយកអំណោយរបស់សម្តេចស ខេង ចែកជូនក្មួយៗកុមារកំព្រាខេត្តកំពង់ឆ្នាំងមានៈអង្ករ 150 kg , ទឹកផ្លែឈើ 3 កេស , ទឹកបរិសុទ្ធ 3 កេស , មី 3 កេស , ស្ករស 2 kg , អំបិល 2 kg , ប៊ីចេង 1 kg , ទឹកត្រី 3 យួរ , ទឹកស៊ីអ៊ីវ 3 យួរ និងថវិកា 1,200,000 រៀល ក្នុងឱកាសនោះដែរ លោក កែវ ពៅ បានឧត្ថម្ភថវិកាផ្ទាល់របស់លោកចំនួន 500,000 រៀលផងដែរ៕