[Khmer share] - អាជ្ញាធររាជធានីភ្នំពេញ កំពុងជួសជុលផ្លូវគ្រលុក តាមការថតរូបផ្តល់ព័ត៌មាន ពីប្រជាពលរដ្ឋយ៉ាងសកម្ម
2018-12-27
Go to the website published Khmer share
រដ្ឋបាលរាជធានីភ្នំពេញ នាពេលបច្ចុប្បន្ននេះបាននឹងកំពុងយកចិត្តទុកដាក់លើការងារជួសជុល ថែទាំផ្លូវខណៈដែលយុទ្ធនាការជួសជុលជង្ហុក (គ្រលុកសម្បុកមាន់) តាមដងផ្លូវសាធារណៈបាននឹងកំពុងធ្វើសកម្មភាពយ៉ាងសកម្មនិងបានសម្រេចលទ្ធផលប្រមាណជាង៩០ភាគរយហើយនោះ។
ជាក់ស្ដែង កាលពីរសៀលថ្ងៃទី២៥ ខែធ្នូ ឆ្នាំ២០១៨ តាមបណ្ដោយ ផ្លូវលេខ១៩២ នៅចន្លោះចាប់ពីផ្លូវលេខ២៤៧ រហូតដល់ផ្លូវលេខ២៦៥ ប្រវែងប្រហែលជាង៨០០ម៉ែត្រ ក្នុងមូលដ្ឋានសង្កាត់ទឹកល្អក់ទី៣ ខណ្ឌទួលគោក ដែលកន្លងមក ទទួលរងការខូចខាត ដោយមានជង្ហុកសំបុកមាន់ បង្កឲ្យបងប្អូនប្រជាពលរដ្ឋ ធ្វើដំណើរឆ្លងកាត់ទើប រដ្ឋបាលសាលារាជធានីភ្នំពេញ សម្រេចធ្វើការជួសជុល និងអ៊ុតកៅស៊ូ តែម្តងដើម្បីដាក់ជូនបងប្អូនប្រជាពលរដ្ឋ ងាយស្រួលក្នុងការធ្វើដំណើរ។
ប៉ុន្តែទោះបីជាយ៉ាងណាក្តី អាជ្ញាធរខណ្ឌទួលគោក សូមអំពាវនាវដល់បងប្អូនប្រជាពលរដ្ឋ ដែលរស់នៅសងខាងផ្លូវ១ខ្សែនេះ ចូលរួមសហការកុំ ដាក់តាំងលក់លើចិញ្ចើមផ្លូវលើសពី១ភាគ៣ បន្តទៀត ដើម្បីកាត់បន្ថយការកកស្ទះទៀត និងចូលរួមលើកសោភណ្ឌភាពរាជធានីរបស់យើង។
គួរបញ្ជាក់ថា កន្លងមកថ្មីៗនេះ ក៏ដូចជាបច្ចុប្បន្នរដ្ឋបាលរាជធានីភ្នំពេញបានធ្វើការអំពាវអោយប្រជាពលរដ្ឋចូលរួមសហការប្រាប់ផ្តល់ព័ត៌មានទីតាំងជង្ហុកដែលបងប្អូនឃើញ ដោយភ្ជាប់ជាមួយរូបភាពបញ្ជាក់នូវទីតាំងភូមិសាស្ត្រ ផ្លូវ សង្កាត់ និងខណ្ឌឲ្យបានច្បាស់លាស់ ដើម្បីក្រុមការងារងាយស្រួលដោះស្រាយជួសជុលផ្លូវ ខណៈដែលយុទ្ធនាការជួសជុលជង្ហុក (គ្រលុកសម្បុកមាន់) តាមដងផ្លូវសាធារណៈបាននឹងកំពុងចាប់ផ្តើមជាទ្រង់ទ្រាយធំ៕
