[Raksmey News] - រដ្ឋបាលក្រុងនិងសង្កាត់ចុះរុះរើប៉ាណូនៅលើផ្លូវជាតិលេខ៥ដើម្បីសម្រួលដល់ការងារសាងសង់ផ្លូវហាយវ៉េ
2018-11-12
Go to the website published Raksmey News
ដោយ:គ្រញូង/បាត់ដំបង ៖ យោងតាមសំណូមពររបស់ក្រុមការងារសាងសង់ពង្រីកផ្លូវជាតិលេខ៥ពី២គន្លងទៅ៤គន្លង(២ទៅ២មក)នៅព្រឹកថ្ងៃអាទិត្យទី១១ខែវិច្ឆិកា ឆ្នាំ២០១៨ បន្ទាប់ពីលាងសម្អាតរូបសំណាកលោកតាដំបងគ្រញូងរួចមកលោក ផេង សិទ្ឋី អភិបាលក្រុងបាត់ដំបងបានដឹកនាំក្រុមការងាររដ្ឋបាលក្រុងរួមជាមួយអាជ្ញាធរសង្កាត់រតននា:ចុះហាមឃាត់និងអោយរុះរើផ្ទាំងប៉ាណូកាត់ទទឹងផ្លូវផ្សព្វផ្សាយពាណិជ្ជកម្ម របស់ក្រុមហ៊ុន សុី & ធី ដែលសង់លើទីតាំងផ្លូវជាតិលេខ៥ ធ្វើឲ្យប៉ះពាល់ការស្ថាបនាផ្លូវ និងលូរបស់រដ្ឋ ដែលកំពុងធ្វើការស្ថាបនា។
បច្ចុប្បន្ននេះ នៅកំណាត់ផ្លូវជាតិលេខ៥ចាប់ពីរង្វង់លោកតាដំបងគ្រញូងរហូតដល់ស្ពានថ្មថ្មីក្រុមការងារសាងសង់ពង្រីកផ្លូវជាតិលេខ៥ពី២គន្លងទៅ៤គន្លង(២ទៅ២មក)កំពុងមមាញឹកកាយដីថាលូទំហំជាង១ម៉ែត្រអមសងខាងផ្លូវនិងកាត់ទទឹងផ្លូវព្រមទាំងឈូសឆាយពង្រីកផ្លូវលេខ៥ចាស់ដែលមាន២គន្លងទៅជា៤គន្លងវិញគឺជាផ្លូវហាយវ៉េដែលរាជរដ្ឋាភិបាលចាប់ផ្តើមពង្រីកផ្លូវនេះពីរាជធានីភ្នំពេញរហូតដល់ក្រុងប៉ោយប៉ែត្ដដែលក្រុមហ៊ុនជប៉ុនជាអ្នកសាងសង់។
ចំពោះការសាងសង់នេះបើប៉ះពាល់អ្វីដែលជាឧបសគ្គរដ្ឋបាលក្រុង ក៏ដូចជារដ្ឋបាលខេត្តត្រូវជួយសម្របសម្រួលជាក់ស្តែងដូចជាការដាក់ផ្ទាំងប៉ាណូកាត់ទទឹងផ្លូវដែលប៉ះពាល់ដល់ការស្ថាបនាផ្លូវរដ្ឋបាលក្រុងត្រូវចុះហាមឃាត់និងអោយរុះរើផ្ទាំងប៉ាណូកាត់ទទឹងផ្លូវផ្សព្វផ្សាយពាណិជ្ជកម្មរបស់ក្រុមហ៊ុនស៊ី & ធី ដែលសង់លើទីតាំងផ្លូវជាតិលេខ៥ ចេញសិនរង់ចាំសាងសង់ផ្លូវហាយវ៉េរួចទើបឱ្យដាក់ឡើងវិញ៕
