កិច្ចប្រជុំពិភាក្សាអំពីលទ្ធផលនៅក្នុងសេចក្ដីព្រាងរបាយការណ៍សវនកម្ម លើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ២០២៥ ទីស្តីការក្រសួង៖ នារសៀលថ្ងៃសុក្រ ទី២៦ ខែមិថុនា ឆ្នាំ២០២៦ ឯកឧត្ដម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ បានជួបពិភាក្សាការងារជាមួយគណៈប្រតិភូនៃអាជ្ញាធរសវនកម្មជាតិ ដឹកនាំដោយ ឯកឧត្តម ឡុង អាទិច្ចបូរា អគ្គលេខាធិការនៃអាជ្ញាធរសវនកម្មជាតិ ដើម្បីពិនិត្យសេចក្ដីព្រាងរបាយការណ៍សវនកម្មលើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូនសម្រាប់ការិយបរិច្ឆេទ២០២៥ ដោយមានការចូលរួមពីតំណាងអគ្គនាយកដ្ឋានក្រោមឱវាទក្រសួង ក្រុមប្រតិភូសវនកម្មនៃអាជ្ញាធរសវនកម្មជាតិ និងមន្ត្រីជំនាញពាក់ព័ន្ធ។ កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យ និងពិភាក្សាលើលទ្ធផលសវនកម្មរបស់រដ្ឋបាលកណ្តាលរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ២០២៥ ពាក់ព័ន្ធនឹងការគ្រប់គ្រងចំណូល និងការគ្រប់គ្រងចំណាយ រួមទាំងពិនិត្យលើចំណុចដែលពុំទាន់បានអនុវត្តតាមអនុសាសន៍សវនកម្មផងដែរ។ ជាលទ្ធផល ក្រសួងបានទទួលយកចំណុចខ្វះចន្លោះ ដើម្បីធ្វើការកែលម្អតាមអនុសាសន៍សវនកម្ម និងពង្រឹងប្រសិទ្ធភាពប្រព័ន្ធត្រួតពិនិត្យផ្ទៃក្នុង ជាពិសេសបន្តខិតខំប្រឹងប្រែងអនុវត្តតាមអនុសាសន៍សវនកម្ម ឱ្យកាន់តែល្អប្រសើរថែមទៀតនៅក្នុងការិយបរិច្ឆេទបន្ទាប់៕