សិក្ខាសាលាស្តីពី វិធីសាស្ត្រគណនាសូចនាករប្រតិបត្តិការភស្តុភារកម្ម (LPI 2.0) ទីស្តីការក្រសួង៖ នាថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជាអធិបតីសិក្ខាសាលាស្តីពី “ វិធីសាស្ត្រគណនាសូចនាករប្រតិបត្តិការភស្តុភារកម្មថ្មី (LPI 2.0)” សម្រាប់ក្រសួងស្ថាប័នពាក់ព័ន្ធ ដែលទទួលបន្ទុកអនុវត្តសូចនាករនីមួយៗ ក្នុងចំណោមសូចនាករស្នូលចំនួន ៦ (Six Core Indicators) ដោយមានការអញ្ជើញចូលរួមពី ឯកឧត្តម លោកជំទាវ មន្រ្តីជំនាញ តំណាងក្រសួងស្ថាប័ន តំណាងធនាគារពិភពលោក (Worldbank) សមាគម និងក្រុមហ៊ុនឯកជន។ គោលបំណងចម្បងនៃសិក្ខាសាលានេះ គឺដើម្បីស្វែងយល់ពីវិធីសាស្ត្ររបស់ធនាគារពិភពលោក ក្នុងការគណនាសូចនាករភស្តុភារកម្មថ្មី (LPI 2.0) ដោយ Ms. Christina Wiederer Senior Economist នៃធនាគារពិភពលោក ដោយផ្តោតលើការយល់ដឹងពីវិធីសាស្រ្តគណនា សូចនាករស្នូលចំនួន ៦ (Six Core Indicators) ដើម្បីប្រើប្រាស់សម្រាប់ការវាស់វែងប្រសិទ្ធភាពភស្តុភារកម្មរបស់ប្រទេសនីមួយៗ៕