កិច្ចប្រជុំលើកដំបូងសម្រាប់អនុវត្តការងារគម្រោងដំណាក់កាលប្រតិបត្តិការ និងថែទាំប្រព័ន្ធទឹកកខ្វក់ នៅព្រះរាជាណាចក្រកម្ពុជា ក្រោមក្របខ័ណ្ឌថវិកាបដិភាគរបស់រាជរដ្ឋាភិបាល ទីស្តីការក្រសួង ៖ នាថ្ងៃចន្ទ ទី១៥ ខែមិថុនា ឆ្នាំ២០២៦ ឯកឧត្តម ចៅ សុភៈភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ និងជានាយកគម្រោង បានអញ្ជើញដឹកនាំកិច្ចប្រជុំលើកដំបូង (Kick-Off Meeting) ជាមួយក្រុមហ៊ុន T.C.M. Engineering Company LTD ដោយមានការអញ្ជើញចូលរួមពី នាយករងគម្រោង ប្រធានគ្រប់គ្រងគម្រោង និងសមាជិកអង្គភាពគ្រប់គ្រងគម្រោង លោក-លោកស្រី តំណាងមន្ទីរសាធារណការ និងដឹកជញ្ជូននៅក្នុងខេត្តគោលដៅចំនួន៥ រួមមាន៖ ខេត្តកំពង់ធំ បាត់ដំបង ពោធិ៍សាត់ កំពង់ឆ្នាំង និងកំពត សម្រាប់អនុវត្តការងារគម្រោងដំណាក់កាលប្រតិបត្តិការ និងថែទាំប្រព័ន្ធទឹកកខ្វក់ នៅព្រះរាជាណាចក្រកម្ពុជា ក្រោមក្របខ័ណ្ឌថវិកាបដិភាគរបស់រាជរដ្ឋាភិបាល។ គួរបញ្ជាក់ផងដែរថា គម្រោងដំណាក់កាលប្រតិបត្តិការ និងថែទាំប្រព័ន្ធទឹកកខ្វក់ នៅព្រះរាជាណាចក្រកម្ពុជា ក្រោមក្របខ័ណ្ឌថវិកាបដិភាគរបស់រាជរដ្ឋាភិបាលនេះ ជាផ្នែកមួយដ៏សំខាន់ក្នុងការចាប់ផ្តើមធានានិរន្តរភាព ប្រសិទ្ធភាព និងគុណភាពនៃការគ្រប់គ្រងប្រព័ន្ធទឹកកខ្វក់នៅកម្ពុជា៕