ពិធីសំណេះសំណាល និងប្រគល់រង្វាន់ប្រាក់ឧបត្ថម្ភដល់ គ្រូបង្វឹក កីឡាករ កីឡាការិនីជ័យលាភី និងក្លឹបហែលទឹក ក្រសួងសាធារណការ និងដឹកជញ្ជូន ដែលបានទទួលជ័យលាភីមេដាយមាស“The 2nd Bunga Raya Children & Junior Finswimming Competition 2026” នៅប្រទេសម៉ាឡេស៊ី ពហុកីឡដ្ឋានជាតិអូឡាំពិក៖ នាថ្ងៃសុក្រ ទី២៩ ខែឧសភា ឆ្នាំ២០២៦ ឯកឧត្តម ហេង ណន ប្រធានក្លឹបហែលទឹកក្រសួងសាធារណការ និងដឹកជញ្ជូន បានអញ្ជើញសំណេះសំណាល សាកសួរសុខទុក្ខ និងអបអរសាទរ ដល់គ្រូបង្វឹក កីឡាករ កីឡាការិនី ក្លឹបដែលបានទទួលជ័យលាភីមេដាយមាស ចំនួន ១០គ្រឿង ពីការប្រកួតកីឡា “The 2nd Bunga Raya Children & Junior Finswimming Competition 2026” កាលពីថ្ងៃទី២៣ ខែឧសភា ឆ្នាំ២០២៦ នៅប្រទេសម៉ាឡេស៊ី នាពេលកន្លងមក ដោយមានការអញ្ជើញចូលរួមពីថ្នាក់ដឹកនាំ និងសមាជិកក្លឹបហែលទឹកក្រសួងសាធារណការ និងដឹកជញ្ជូនផងដែរ។ ឆ្លៀតក្នុងឱកាសនេះ ឯកឧត្តមប្រធានក៏បានពាំនាំនូវការផ្តាំសាកសួរសុខទុក្ខពីសំណាក់ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងផ្តល់នូវប្រាក់រង្វាន់ឧបត្ថម្ភ ជូនចំពោះគ្រូបង្វឹក កីឡាករ កីឡាការិនី និងក្លឹប ដើម្បីជាការលើ កទឹកចិត្ត និងស្នើឱ្យកីឡាករ កីឡាការិនីទាំងអស់ត្រូវបន្តខិតខំហ្វឹកហាត់បន្ថែមទៀត ដើម្បីសុខភាព និងមោទនភាពផ្ទាល់ខ្លួនផង ក្លឹបផង និងប្រទេសជាតិផង៕