សកម្មភាព ថ្នាក់ដឹកនាំ និងក្រុមការងារ ស.ស.យ.ក. វិស័យសាធារណការ និងដឹកជញ្ជូន ចូលរួមកម្មវិធី «ដាស់ស្មារតីជាតិ Day of Reckoning» នៅពហុកីឡដ្ឋានជាតិអូឡាំពិក នាថ្ងៃទី២៨ ខែឧសភា ឆ្នាំ២០២៦ ភ្នំពេញ ៖ នាថ្ងៃទី២៨ ខែឧសភា ឆ្នាំ២០២៦ លោក ឯក រដ្ឋ អនុប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានដឹកនាំ ក្រុមការងារ ស.ស.យ.ក. វិស័យ ចូលរួមកម្មវិធី «ដាស់ស្មារតីជាតិ Day of Reckoning» ប្រព្រឹត្តនៅពហុកីឡដ្ឋានជាតិអូឡាំពិក ក្រោមអធិបតីភាពដ៏ខ្ពង់ខ្ពស់ ពី ឯកឧត្តម ហ៊ុន ម៉ានី ឧបនាយករដ្ឋមន្ត្រី ក្រសួងមុខងារសាធារណៈ និងជាប្រធាន សហភាពសហព័ន្ធយុវជនកម្ពុជា ដោយកម្មវិធីនេះមានការចូលរួមពី ថ្នាក់ដឹកនាំ សមាជិក សមាជិកា ស.ស.យ.ក. ទូទាំងរាជធានីខេត្ត និងគ្រប់វិស័យ អង្គភាពផងដែរ។ គួរបញ្ជាក់ថាការរៀបចំកម្មវិធីនេះឡើងគឺជាការបង្ហាញនូវការចង់ចាំបទពិសោធ និងព្រឹត្តិការណ៍ដែលប្រទេសកម្ពុជាបានឆ្លងកាត់ក្នុងឆ្នាំ២០២៥ ទាំងភាពឈឺចាប់ ការលំបាក និងភាពអយុត្តិធម៌ ដើម្បីប្រែក្លាយអតីតកាលទាំងនោះទៅជាកម្លាំងនៃសាមគ្គីភាព និងឯកភាពជាតិ សម្រាប់ពង្រឹងខ្លួន និងការពារសុខសន្តិភាពជាតិឱ្យបានរឹងមាំជានិច្ច។ «ដាស់ស្មារតីជាតិ» ជាការជួយក្រើនរំឭកយើងទាំងអស់គ្នាឱ្យចងចាំជានិច្ចថា ហានិភ័យចំពោះសុខសន្តិភាព និងស្ថិរភាពជាតិ អាចកើតមានឡើងគ្រប់ពេលវេលា ប្រសិនបើយើងខ្វះការប្រុងប្រយ័ត្ន និងការត្រៀមខ្លួន។ ដូច្នេះ អ្វីដែលកម្ពុជាបានឆ្លងកាត់ទាំងអស់នេះ គឺជាមេរៀនដ៏មានតម្លៃ ដែលជំរុញឱ្យយើងទាំងអស់គ្នា បន្តរួបរួម និងពង្រឹងខ្លួនឱ្យកាន់តែរឹងមាំ ។ #UYFC_MPWT #UYFC