ក្រុមត្រួតពិនិត្យពិសេស បានចុះឆ្មក់ត្រួតពិនិត្យ និងបង្ក្រាបយានយន្តដឹកជញ្ជូនលេីសទម្ងន់ ក្នុងខេត្តសៀមរាប សៀមរាប ៖ នៅថ្ងៃទី២៥ ខែមេសា ឆ្នាំ២០២៦ ក្រុមត្រួតពិនិត្យពិសេសរបស់ ឯកឧត្តមរដ្ឋមន្រ្តី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលេីសទម្ងន់កម្រិតកំណត់ ឯកឧត្តម ឯក រដ្ឋ អនុរដ្ឋលេខាធិការ និងជាប្រធានក្រុម បានដឹកនាំលោកអនុប្រធាន សមាជិក រួមទាំងមន្រ្តីស្ថានីយរលួស ខេត្តសៀមរាប បានចុះត្រួតពិនិត្យ និងបង្ក្រាបយានយន្តដឹកជញ្ជូនលើសទម្ងន់កម្រិតកំណត់នៅលើផ្លូវជាតិលេខ៦៧ ក្នុងស្រុកប្រាសាទបាគង ខេត្តសៀមរាប។ ជាលទ្ធផល ក្រុមការងារបានត្រួតពិនិត្យយានយន្តសរុបចំនួន ៣គ្រឿង (លេីសទម្ងន់ទាំងអស់) ផ្ទុកលើសទម្ងន់អនុញ្ញាតចន្លោះពី១៧តោន ដល់ ២៧តោន គិតជាភាគរយចន្លោះពី៣៣% ដល់ ៦០%។